Altesame 889 nuwe Covid-19-gevalle is in Suid-Afrika aangemeld.
Volgens die Nasionale Instituut vir Oordraagbare Siektes (Nios) is ’n totaal van 3 722 954 bevestigde Covid-19-gevalle al in die land aangemeld en is die jongste positiwiteitskoers 5,3%.
Die meeste nuwe gevalle is in Gauteng (42%) aangemeld, gevolg deur KwaZulu-Natal (25%) en die Wes-Kaap (19%). Die totale aktiewe gevalle is 11 781.
Die sterftesyfer weens Covid-19 staan nou op 100 050 nadat nog vier sterftes aangemeld is, waarvan een sterfte in die afgelope 24 tot 48 uur plaasgevind het. Die departement van gesondheid het gesê weens ’n voortgesette oudit kan daar ’n agterstand wees in die aantal sterftes wat aangemeld is.
Tot dusver het 3 611 123 mense reeds van die virus herstel, ’n herstelkoers van 97%.
Suid-Afrika het tot dusver 23 909 698 toetse vir Covid-19 gedoen, 16 685 sedert die vorige verslag.
Volgens Nios was daar in die afgelope 24 uur vier hospitaalopnames. Daar is tans altesaam 1 907 mense wat in hospitale vir Covid-19 behandel word.
Meer as 33,8 miljoen inentings is tot dusver gedoen.
Provinsiale statistieke:
Provinsie | Nuwe gevalle | Aktiewe gevalle |
Oos-Kaap | 43 | 670 |
Vrystaat | 33 | 1 272 |
Gauteng | 369 | 4 853 |
KwaZulu-Natal | 226 | 3 546 |
Limpopo | 8 | 92 |
Mpumalanga | 23 | 428 |
Noordwes | 17 | 610 |
Noord-Kaap | 3 | 186 |
Wes-Kaap | 167 | 124 |
Totaal | 889 | 11 781 |
Sterftes en persone wat herstel het:
Provinsie | Sterftes | Herstel |
Oos-Kaap | 16 588 | 328 077 |
Vrystaat | 7 654 | 193 578 |
Gauteng | 20 661 | 1 185 359 |
KwaZulu-Natal | 16 048 | 641 709 |
Limpopo | 4 586 | 151 203 |
Mpumalanga | 4 705 | 188 223 |
Noordwes | 4 721 | 187 784 |
Noord-Kaap | 3 218 | 105 549 |
Wes-Kaap | 21 869 | 629 641 |
Totaal | 100 050 | 3 611 123 |
En nou wag almal vir die opheffing van die disaster. Maar is hul voorbereid vir die nuwe wetgewing? Of gaan hulle maar soos paddas in lou water le, tot die water kookpunt bereik?
Dit was ‘n goeie naweek vir die Noord Kaap ! Na weke en weke se 2796 aktiewe gevalle het hulle die naweek omtrent almal hestel ! Nog net 186 aktiewe gevalle
Die DvG het NK syfers meer as een maal verduidellik.
Wes Kaap het 167 nuwe gevalle, maar slegs 124 aktiewe gevalle, kan iemand dit verklaar. Geen wonder dat niemand die syfers wil glo nie.
Aktiewe gevalle is seker gevalle wat voorheen aangemeld is.
Die wêreld se weeklikse C19-sterftes is nou ook so laag (soos SA s’n) as wat dit laas in die begin van die pandemie was. Gaan kyk Johns Hopkins-grafieke.
Die lande met tans die hoogste weeklikse nuwe C19-gevalle (bokant 300 000), is almal lande met hoë vol-inentingspersentasies (Our World in Data): Suid-Korea (86.7%), Duitsland (75.3%), Viëtnam (79.2%), Frankryk (77.8%), VK (72.5%), Italië (79.2%), Australië (82.4%), Japan (79.9%).
Dit is nog steeds ‘n slegte resultaat vir inentings.