Argieffoto (Foto: Kent Williamson)
Drie vermeende rowers is Donderdag in ʼn skietgeveg met die polisie in Roodepoort doodgeskiet.
Volgens kol. Dimakatso Sello, polisiewoordvoerder, het ʼn multidissiplinêre span van die polisie en lede van private veiligheidsmaatskappye reageer op inligting oor ’n groep verdagtes wat by gewapende rooftogte in Gauteng betrokke is.
Die span is in Roodepoort ontplooi waar hulle twee voertuie opgemerk het wat ooreengestem het met die beskrywings wat ontvang is. Die motors het teen ʼn hoë spoed by ʼn winkelsentrum uitgery.
’n Jaagtog en skietgeveg het gevolg en drie verdagtes is in die proses noodlottig gewond. ʼn Lid van die publiek is gewond en drie staatsvoertuie is ook tydens die voorval beskadig, het Sello gesê.
Voorlopige ondersoek het aan die lig gebring dat die verdagtes kort tevore ʼn poskantoor van ʼn onbekende bedrag kontant beroof het.
Daar is op drie vuurwapens en van die gesteelde geld beslag gelê. Die rowers in die ander voertuig kon daarin slaag om weg te kom.
Kriminele moet desperaat wees om ‘n poskantoor te beroof. Die stand van die ekonomie moet wragtig sleg wees.
Die poskantoor het geld!?
Ek lees ook sekuriteit betrokke dan is dit danksy hulle flink optrede en sukses.
Hulle het nie alleen opgetreë nie.
Johan jy is reg, maar dis nie hulle werk nie.
Biekie goeie nuus vir die dag darem.
Is daar ooit nog geld in die poskantoor?? Hulle het seker posseëls gebuit.
Hier was n helse geskietery op Robert Broom langs Helderkruin Laerskool eergister. Weet julle manne by Maroela wat daar gebeur het al? Hulle het n Sassa bussie probeer roof.
Wonder waar is die res van die geld dan .