Drie vas vir gru-moord op konstabel

Armand Wagner. Foto: Facebook.

Drie mense is in hegtenis geneem in verband met die moord op ʼn 23-jarige konstabel in Noordwes.

Lt.kol. Adéle Myburgh, woordvoerder van die polisie, het gesê die verdagtes, 27, 30 en 35 jaar oud, is omstreeks 15:00 Dinsdag in Alexandra in Gauteng in hegtenis geneem.

Maroela Media het vroeër berig motoriste het omstreeks 21:35 Maandagaand konst. Armand Wagner se liggaam langs die pad in Roosheuwel, Klerksdorp, gewaar.

Die polisie is in kennis gestel en hulle het die toneel besoek. “Sy liggaam is met veelvuldige steekwonde aangetref,” het Myburgh gesê.

Die drie verdagtes sal Donderdag in die Klerksdorp-landdroshof verskyn op aanklagte van moord.

Lt.genl. Baile Motswenyane, provinsiale polisiekommissaris, het gesê sy is baie hartseer oor dié “grusame moord”. Sy het gesê die speurders sal alles in hul vermoë doen om ʼn suksesvolle vervolging te bewerkstellig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Tiny

EN die koerante is vol van fotos waar’n ANC lid ‘n tannie skop met ‘n BLF thempie aan? Hierdie aanvalle en moorde op blankes gaan weer stil stil verby en almal dink Katie is die grootste rassis en leuenaar wat daar is. Dit lyk my mense is besig om vir die werklikheid weg te hardloop, ook ander lande. Makliker om te ONTKEN hier is iets groots fout in SA as om iets daaraan te doen. PAS SANKIES OP SA TOE TOT MOORDE OP PLASE OPHOU!

Carel

Die werk van onwettige Nigeriers wat onwettige bedrywighede in ons land het.

Genoeg!

BRING TERUG DIE DOODSTRAF!

Johan. H.

Ek sekondeer daardie sanksies idee, Waar kan ek n Amerikaanse vlag kry? Wil hom voor my huis laat wapper todat PRESEDENT TRUMP se stelling nie meer waar is nie,,,

Ada

Dit is genocide!!