Dringende spitsberaad oor onteiening sonder vergoeding gehou

land-lugfoto-grond-landbou

Foto: Magda Ehlers/Pexels.com

Die sakeorganisasie Sakeliga hou Woensdag ʼn dringende spitsberaad vir organisasies gekant teen onteiening sonder vergoeding.

Die spitsberaad vind plaas die dag nadat die Parlement die aanbeveling van die Grondwetlikehersieningskomitee debatteer.

Verskeie van die vernaamste organisasies gekant teen onteiening sonder vergoeding – insluitende nie-regeringsorganisasies en politieke partye – gaan die geleentheid bywoon. Die ACDP, AfriForum, Afrikanerbond, AgriSA, COPE, DA, Dear South Africa, FW de Klerk Stigting, Johannesburgse Prokureursvereniging, Sakeliga, Solidariteit, TLU SA, VF+ en Vryemarkstigting het tot dusver hul bywoning op 5 Desember bevestig.

“Die beraad word saamgeroep in die lig van die nuwe fase wat hierdie onteieningsdebat nou betree. Daarom hou ons dit op die dag nadat die Parlement die saak debatteer,” sê Piet le Roux, uitvoerende hoof van Sakeliga.

“Die doel van die spitsberaad is dat die vernaamste organisasies gekant teen onteiening sonder vergoeding die jongste verwikkelinge bespreek en hul standpunte stel. Hierdie tweede spitsberaad dien as opvolg van die eerste sodanige spitsberaad van Sakeliga in Maart vanjaar, kort nadat die aanvanklike mosie in die parlement aanvaar is.”

Elkeen van die deelnemende organisasies sal kort spreekbeurte gebruik om hul standpunt te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Pieterv

Dankie tog!!!
Mag dit n beraad wees waar al die deelnemende partye ten minste in beginsel saamstem en nie elkeen (soos ons ou volkie maar is), sy eie agenda najaag ten koste van die “groter prentjie” nie.

RG

Die grootste gemeenskaplike faktor laat ons nou saam staan en veg. Dankie.

Al

God se seën sal oor jul wees.
Daar is hoop vir SA, nog net ñ rukkie dan sal SA se skip deur die storms wees.
This too shall pass.

Cherokee

Dankie tog dat die FW de Klerk Stigting ook betrokke sal wees. Die wag was lank maar dit is seker juis hier waar die beloofde wigte en teenwigte ‘n rol gaan speel.

jaco

malema baklei met minister Gordhan. dis dalk n goeie ding. dit verhoed samewerking tussen die EFF en die ANC.