E-tol: Departement gee miljarde vir Sanral

e-toll

Argieffoto.

Die departement van vervoer het tydens sy mediumtermyn-begroting altesaam R5,7 miljard aan die tolpaaienetwerk van die Suid-Afrikaanse Nasionale Padagentskap (Sanral) oorgedra.

Dié oordrag is ʼn strategiese ingryping deur die departement om nie-betaling deur padgebruikers van die Gautengse snelwegverbeteringsprojek (GFIP) te hanteer.

“Sanral se tolpadnetwerk het gevolglik finansiële probleme ervaar en om seker te maak dat Sanral kan voldoen aan sy betalingsvoorwaardes aan beleggers en om die tolpadnetwerk oor die land heen in stand te kan hou, is geld van die nie-tolnetwerk na die tolnetwerk oorgedra,” het Bonginkosi Nzimande, minister van vervoer, gesê.

“Omdat geen bykomende finansiering van die nasionale tesourie bekom kan word om die GFIP-tekort te dek nie, moes die departement sy mediumtermynuitgawes herprioritiseer terwyl die regering in gesprek tree met alle betrokke belanghebbendes op die permanente GFIP-model,” het die minister bygevoeg. “Die departement van vervoer werk hard om seker te maak dat dié GFIP-kwessie vinnig opgelos word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Afrikaner

Genade, is daar statistieke beskikbaar om te sien wat die ANC die afgelope 25 jaar aan verkeerde besluite, korrupsie en papgeld die belasingbetaler gekos het? Kan hulle ook vir ons dalk inlig hoeveel honderde kilometer diep daai put is?

Willem

So baie goedkoper gewees het om dit heetemal te skrap

Willehond

Hulle besluit. Ons betaal. Watter beter besigheid wil jy dan nou doen?

Manie

Dit alles te danke aan die afrikane se obsessie om n wêreld sokker toernooi in SA te hou

ANA

Lekker man,LEKKER ! ? die geld ?? is volop om uit te deel? en te mors!!
ONS LAND SE PAAIE is mos in ń WONDERLIKE toestand….