Edcon ontken ‘ineenstorting’

Foto: ANA

Edcon Holdings, eienaar van bekende winkels soos Edgars, CNA en Jet, het gesê hy kom al nader om ’n ooreenkoms te bereik om die groep te herkapitaliseer in ’n poging om ʼn dreigende ineenstorting te verhoed.

Dit kom nadat die Sunday Times die naweek berig het Edcon het ’n brief aan sy 31 grootste verhuurders uitgestuur en vir ʼn twee jaar lange “huur-blaaskans” gevra in ruil vir aandele in die maatskappy. Dit kan glo ʼn verlies van sowat 40 000 werkgeleenthede en ʼn onregstreekse verlies van sowat 100 000 werkgeleenthede hê.

Grant Pattison, uitvoerende hoof van Edcon, het egter die Sunday Times se berig as “onverantwoordelik en sensasioneel” bestempel en gesê die risiko bestaan al ʼn tyd lank en die groep is naby daaraan om ’n ooreenkoms te onderteken om die onderneming reg te ruk.

“Edcon is baie naby om ʼn aankondiging van ’n volledige herkapitalisering van die besigheid aan te kondig wat vir die volgende paar jaar sal hou. Ons kan nie kommentaar lewer op die besonderhede nie aangesien dit nog nie afgehandel is nie. Spekulasie en sensasie sal net skade aanrig en dit help nie die maatskappy nie,” het Pattison gesê.

Foto: ANA

“Vir die rekord – Sunday Times het ons laat Vrydag om kommentaar genader en ons het gesê ons kan nie kommentaar lewer nie aangesien die ooreenkoms nog nie gefinaliseer is nie. Ons het hulle gevra om ʼn week te wag sodat ons die ondertekende ooreenkoms kan aankondig maar hulle het geweier.”

Volgens Pattison is dele van Sunday Times se artikel, en veral die opskrif, misleidend aangesien Edcon nie “ineengestort” het nie.

Pattison het ʼn beroep op die groep se werkers gedoen om nie paniekerig te raak nie en gesê hul werk is veilig.

Edcon sukkel die afgelope paar jare om sy besigheid te herstruktureer in die lig van goedkoop buitelandse invoere en ’n skuif deur verbruikers tot e-handel.

Die groep is ook na bewering op soek na R2 miljard in noodfinansiering van sy eienaars en die staatsbeheerde Openbare Beleggingskorporasie om sy skuld te delg.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
marco polo

As jy R2 miljard noodfinansiering benodig, klink dit vir my na meer as net ‘n ineenstorting. Wie probeer hy bluf. So begin hulle een na die ander val, totdat daar niks meer oor is nie.

Dries

Edcon, n vuur is bitter selde sinder rook…

Paul

Jip, selfs Woolworths hou Chinese produkte aan, so dis dan geen wonder dat ‘n rede dalk vir die probleme wat Edcon ondervind agv die goedkoop buitelandse (lees Chinese) invoere nie. Dis die hand om die blaas van die Regering met die Chinese wat ons plaaslike ekonomie nou al vir ‘n tyd tref.

Pieterv

Nou wonder ek so by myself…moontlike 40,000 afdankings……goedkoop invoere. Gaan vra vir onse prezzi of hy nie dalk die Sjinese om hulp wil vra nie. Of wag….dit klink ook nie reg nie.

Muffin

Dries, heeltemal reg. Waar n rokie draai is daar n vuurtjie. Nou gaan ons aandeelpryse seker nog verder daal.