(Foto: Dall-E)
Die Edenburg-polisie het Donderdagaand ʼn man aangekeer wat glo verantwoordelik is vir die wrede aanval op ʼn bejaarde inwoner van die dorp.
Maroela Media het vroeër berig die 91-jarige Elodie Kingsley is die afgelope naweek vir dood in haar slaapkamer agtergelaat nadat ʼn onbekende aanvaller Sondagoggend by haar huis ingekom en haar erg aangerand het.
Kingsley het ernstige beserings aan haar kop en gesig opgedoen en is na ʼn hospitaal in Bloemfontein geneem.
Kapt. Loraine Earle, polisiewoordvoerder, sê die ondersoekspan het sonder ophou gewerk om ʼn verdagte aan te keer.
“Die polisie het gisteraand ʼn deurbraak gemaak toe ʼn 33-jarige verdagte by die township in Edenburg in hegtenis geneem is. Hy is met die gesteelde items uit die bejaarde se huis betrap,” sê Earle.
Die man sal na verwagting Vrydag in die Edenburg-landdroshof verskyn op aanklagte van huisbraak en diefstal, asook aanranding met die doel om ernstig te beseer.
Ons het jare gelede, 1979-1981, op Edenburg gebly en gewerk by Sentaal Wes Kooperasie. Ek is seker dat die tannie en haar man op n plaas in die distrik geboer het. So jammerte dat plattelandse dorpe nie meer veilig is nie. Sterkte aan die familie
Klink meer na poging tot moord,maar hopelik kry hy die straf wat hom toekom. Lafhartige aanval op ‘n Weerlose mens.
Wat ‘n lafaard. Laat die gemeenskap met hom afreken.
Boendoe hof sal goed wees vir die vuilgoed! Seker op heterdaad betrap!