EFF beaam Zindzi Mandela se uitlatings

Zindzi Mandela (Foto: Twitter)

Die EFF het Dinsdag in ʼn verklaring gesê hy steun Zindzi Mandela, Suid-Afrika se ambassadeur in Denemarke, se uitlatings oor wit mense.

“Sy het korrek getwiet oor die behoefte vir swart mense om hul grond terug te kry van die wit gronddiewe en rassiste,” het Mbuyiseni Ndlozi, woordvoerder van die EFF, gesê.

Die burgerregte-organisasie AfriForum het ʼn versoek aan Naledi Pandor, minister van internasionale betrekkinge en samewerking, gerig om Mandela, dogter van oudpres. Nelson Mandela, terug te roep na Suid-Afrika en haar af te dank.

Ndlozi het AfriForum se versoek as rassisties afgemaak en gesê die organisasie probeer ʼn regmatige kreet onderdruk. “Geen Afrika-kind moet ooit onderdruk of selfs gedreig word dat hulle hul werk sal verloor omdat hulle die waarheid praat oor grond nie. Die grondkwessie moet opgelos word vir ʼn ware dekolonisasie van die land om plaas te vind.”

Mbuyiseni Ndlozi. Foto: Facebook

Mandela het Vrydag verskeie verdelende, rassistiese twiets op die sosialemediaplatform Twitter met die hutsmerk #OurLand gestuur. Sy het onder meer na wit mense verwys as lafaards en stelende verkragter-afstammelinge van Jan van Riebeeck. “Miss all these trembling white cowards, shem. Botha, Potgieter, Thieving Rapist descendants of Van Riebeck (sic),” lui die twiet.

Alana Bailey, uitvoerende hoof van internasionale skakeling by AfriForum, het gesê Mandela het met haar Twitter-boodskappe bewys gelewer van ’n haatdraende houding jeens wit inwoners van die land en het in die openbaar bygedra tot die verdeeldheid van plaaslike gemeenskappe. “Haar valse bewerings en vernederende beskrywings soos ‘cowards’ en ‘land thieves’ dra by tot die bou van ’n gevaarlike diskoers van sondebokskepping,” lui die verklaring.

Volgens Ndlozi is daar niks rassisties daaraan om dit feitelik te stel dat wit mense ʼn projek van grondonteiening, genaamd kolonisasie, bedryf het nie. Ndlozi het gesê Mandela moet verdedig word van die rassiste se aanslag. “Sy het alle reg tot vryheid van spraak.”

Dr. Pieter Groenewald, leier van die VF Plus, het gesê Mandela is ʼn verskoning aan alle Suid-Afrikaners verskuldig. “Die ironie ontgaan me. Mandela straks dat sy vanuit ʼn suksesvolle Eurosentriese land ʼn kwetsende aanval op wittes in haar eie land doen en hulle ‘gronddiewe en apartheidsapologete’ noem wat soos ‘genooide gaste weier om te loop’.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

59 Kommentare

jongste oudste gewildste
emily

MM hou ons asb van die berigte op hoogte, ek hoop regtig iemand wat in beheer is met guts gaan iets hieraan doen,
So kan dit nie aangaan nie, Hulle was nie eers gebore nie, maar wil koning kraai. Ons mag nie so iets se nie, dan is ons binne n halfuur in die tronk. Wie dink hulle is hulle. Wil net alles he, Gaan werk soos ons narre.

Cherokee

Pieter, ek is teleurgesteld as jy dink sy behoort weg te kom bloot deur askies te sê. Ek sou in my noppies wees as die Deense regering teen haar sou optree. Haar die land uitsit.

Charl

Nou het ons enige iets anders verwag !!!!

Johann cb

Hier kom nóg ‘n hofsaak!

Ronel

Jou verskoning, Me Mandela, sal nooit vir my aanvaarbaar wees nie. As enige wit mens daardie selfde woorde geuiter het, was daai persoon klaar terug in SA EN in die tronk, nou wat nou? Nou moet daar eers ondersoek ingestel word? Neewat, jy en jou verskoning…..