‘Ek kan hulle nie vergewe nie,’ sê ma van Coligny-tiener

Agnes Mosweu. Foto: ANA

Agnes Mosweu, die ma van die vermoorde Coligny-tiener, Matlhomola Mosweu, het Woensdag in die Noordwes-hooggeregshof in Mahikeng gesê dat sy nooit haar seun se moordenaars sal kan vergewe nie.

Mosweu het Woensdag gedurende die hofverrigtinge vertel dat die verdediging glo wou hê sy moet die beskuldigdes se familie ontmoet.

Adv. Celice Zweigelaar, vir die beskuldigdes, het ʼn brief aan die staat se regspan gestuur waarin Mosweu en Sakkie Dingake, Matlhomola se pa, gevra is om die beskuldigdes, Pieter Doorewaard en Philip Schutte, se families te ontmoet sodat hulle hul medelye met die Mosweu-familie kon betoon. Zweigelaar verduidelik dat die onderskeie ma’s asook Doorewaard se vriendin en Schutte se vrou Mosweu wou ontmoet.

“My kind is weg, dit sou beter wees as hy hier was. Al wat ek wil hê, is dat die staat sy plig moet uitvoer,” het Mosweu egter Woensdag geantwoord.

Mosweu getuig in die saak teen Doorewaard en Schutte wat skuldig bevind is aan die moord op Mosweu van die Scotland- informele nedersetting naby Coligny op 20 April 2017 nadat daar getuig is hulle het hom van ʼn bewegende bakkie afgegooi. Dít het gevolg nadat die twee Mosweu betrap het waar hy sonneblomkoppe gesteel het op Rietvlei, die plaas van hul werkgewer en Doorewaard se oom, Pieter Karsten.

Phillip Schutte en Pieter Doorewaard. Foto: ANA

Mosweu het ook aan die hof gesê dat geen familielid van die beskuldigdes haar soos versoek genader het nie. “Nie een van hulle het ons genader nie. Hulle sê hulle het nie my kind doodgemaak nie, maar hulle vertel nie die waarheid nie,” het sy bygevoeg.

“Dit is te laat. Dit is lank ná my seun begrawe is. Ons stem nie saam met hulle nie,” het Mosweu gesê.

Mosweu het Woensdag in haar getuienis vertel dat sy nie die dood van haar kind kan verwerk nie. “Ek was diep seergemaak toe ek hoor hy is dood.” Sy het vertel dat haar kinders ook swaar kry ná hul broer se afsterwe.

Zweigelaar het aan Mosweu verduidelik dat hulle haar nie vroeër kon ontmoet nie omdat die borgtogvoorwaardes bepaal het dat hulle nié met getuies kontak kon maak nie. Mosweu was ook toe nog nie as sy ouer geïdentifiseer nie.

“Die beskuldigde en hul families wil graag met jou byeenkom, hul medelye uitspreek en ondersteuning bied,” het sy gesê.

Mosweu het in reaksie vir Zweigelaar gevra hoe sy sou voel as dit haar kind was wat vermoor is.

“Jy het my vroeër ʼn vraag gevra. Dit sal nie gepas wees vir my om jou hier in die hof te antwoord nie. Ek is bereid om buite die hof te wag as jy met my wil praat,” het Zweigelaar geantwoord.

Die verhoor duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Johan

As hulle werklik skuldig sou wees.het ek nie ‘n probleem met ‘n swaar straf nie. Maar as die getuie gelieg het, moet hulle onmiddelik vrygelaat word.
Party mense wil hulle straf omdat hulle wit is, en nie omdat hulle noodwendig skuldig is nie.

Frik Swanepoel

Nou wat word nou van die sogenaamde ooggetuie wat uitgevang is dat hy omgekoop is om te lieg? Mis ek iets?

Oeps Nee!

shame waar was jy toe jou kind dood is???? 2 weke dood en jy het dit nie eers geweet nie, nie omgegee waar jou kind vir 2 weke was nie. Nie na hom gesoek nie.

LHS

Die staat se hoof en enigste getuie erken hy het gelieg, waarom nog al hierdie storietjies gebruik?

Paul

Die regter het dan in sy skudigbevinding tyd gelede al bevind daar is nie kraters in die maan nie, die oppervlak is so glad en duidelik soos die enigste ooggetuie se getuienis verdoemend teen die beskudiges was. Nou wag ons op die vonnis waarop Afriforum en hul span reeds regstaan om te appéleer. Appéleer gaan hulle, ongeag wat die vonnis gaan wees, want ons weet die maan het kraters in, sommer grotes.