Ekonoom geskors oor twiet

Chris Hart soos hy op sy Twitter-profiel verskyn. Foto: Twitter

Chris Hart soos hy op sy Twitter-profiel verskyn. Foto: Twitter

Standard Bank het een van sy prominente ekonome, Chris Hart, geskors oor ʼn omstrede twiet.

Die bank het in ʼn verklaring gesê Hart is geskors hangende ʼn ondersoek na die twiet wat hy Sondag uitgestuur het. “Standard Bank het hom gedistansieer van die uitlatings van Hart en sal die uitslag van die ondersoek bekend maak sodra die proses afgehandel is.”

In die twiet wat Hart in die sop laat beland het, sê hy: “Meer as 25 jaar ná Apartheid, vermeerder die aantal slagoffers, tesame met ʼn gevoel van toe-eiening en haat jeens minderhede.” Hart het Maandag om verskoning gevra vir die twiet en gesê dit moes in die konteks van stadige [ekonomiese] groei gelees word.

Standard Bank het in ʼn verklaring gesê Hart se uitspraak is “feitelik verkeerd” en maak onvanpaste aannames oor Suid-Afrika.

Volgens die verklaring respekteer die Standard Bank groep enige verskille in geslag, ouderdom, velkleur, ras, geloof, ideologie, seksuele oriëntasie en gestremdhede. “Ons heg waarde aan verskille in kultuur, etniese of nasionale oorsprong en politieke en filosofiese oortuigings.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

63 Kommentare

jongste oudste gewildste
Rynhardt

Van alle ekonome in SA, is Chris Hart die beste.Standard Bank is so gou om Hart aan te tree oor sy twiet, maar het julle as bankgroep geweet dat die SA ekononie reeds vwrnietig is volgens die Anc se Vryheidsmanifes? Dit is die Anc vir wie julle as bankgroep opstaan! Die moeilike tye le voor, wonder net vir wie julle gaan blameer as dit al hoe slegter raak.Gaan Standard Bank nog steeds sy polities korrekte weg volg? A message for Chris Hart:Hart you deserve better than Standard Bank.

Fanie van Heerden

BELAGLIK.

Chris W

Lk my as mens deesdae in SA die waarheid praat word jy gekasty.Maar nou ja as die hoof anc nar in die land die wereld kan belieg en bedrieg en skotvry wegkom daarmee dan is dit meer en meer te verstane.Hulle sal sekerlik daarvan hou as almal in die land saam leuns verkoop!Ek wens Mnr Hart alle sterkte toe en hoop van harte hy laat die bank op sy neus kyk.

edd

In my opinie slaan die ekonoom die spyker op die kop. Ek dink Standard Bank moet mooi dink wat hulle doen.

Johan 1

Ja die waarheid is n snaakse ding.