Familie stukkend ná man by werk vermoor word

Jan Snyman en sy vrou Leandra. Foto: Verskaf.

Die pa van ʼn KwaZulu-Natalse man, wat verlede Woensdag by sy werkplek doodgesteek is, het Maandag vertel die familie is stukkend ná sy seun se onverwagse dood.

Jan Snyman (28) is by die slagpale in Hluhluwe waar hy gewerk het na bewering deur ʼn medewerker doodgesteek.

Dawie Cronje, Snyman se pa, het aan Maroela Media vertel die voorval het omstreeks 16:00 plaasgevind toe sy seun geslagte skape na die slagpale geneem het. Volgens Cronje het Snyman om die beurt by die slagpale en ʼn slaghuis, wat aan dieselfde eienaar behoort, gewerk.

“Jan het Newcastle toe gery om geslagte skape te gaan oplaai en het dit na die slaghuis geneem sodat die eienaar daarna kan kyk. Hy is van daar af na die slagpale, dit is so 2 km weg. Toe hy by die slagpale kom, het hy vir die werkers gevra om die skape te begin uitlaai en ophang. Een van hulle het op hom begin skree en gesê hy gaan nie die skape uitlaai nie, hy soek sy geld en gaan loop,” het Cronje vertel.

“My seun het toe vir hom op ʼn ordentlike manier gesê: ‘Hoekom skree jy op my? Ek het nie op jou geskree nie. Jy weet ek kan jou nie betaal nie, jy moet met die eienaar praat.’ Hy het omgedraai en die slagpale ingestap. Die man het met ʼn mes agter hom aangeloop; hy was in ʼn hoek vasgekeer en die man het hom drie keer gesteek.”

Volgens Cronje kon Snyman daarin slaag om uit die hoek te kom en te probeer vlug, maar die man het agter hom aangeloop en hom nog vier keer gesteek.

Jan Snyman. Foto: Verskaf.

“Daar was een steek in sy hart, een in sy longe, een in sy maag en die ander was oor sy bors en skouer.”

Cronje vertel sy seun was sterk en fiks aangesien hy gereeld rugby gespeel het. Hy kon daarin slaag om in sy bakkie te klim om dokter toe te ry. Hy het egter net ongeveer 400 m gery toe die bakkie van die pad af beweeg het.

Een van die ander werkers by die slagpale het intussen die eienaar se seun gebel en gesê hy moet kom omdat daar “moeilikheid” is. Die seun is eers slagpale toe en het daarna Snyman se bakkie ʼn ent weg van die slagpale langs die pad aangetref.

“Hulle moes die bakkie se ruit breek om by hom uit te kom. Hulle sê hy het nog met hulle probeer praat. Hulle is direk van daar af na ʼn dokter toe, maar hy het aan sy beserings beswyk.”

Volgens Cronje het die verdagte onmiddellik ná die voorval ʼn kortpad deur die aangrensende nedersetting geneem, reguit polisiestasie toe, en homself oorgegee.

Lt.kol. Thulani Zwane, woordvoerder van die polisie, het aan Maroela Media bevestig ʼn saak van moord word ondersoek.

“Die 32-jarige verdagte het op 26 April in die hof verskyn en die saak is uitgestel tot 3 Mei.”

Snyman is maar net twee maande gelede getroud. Hy word oorleef deur sy vrou, Leandra, sy ouers, Elize en Dawie, drie broers en een suster.

Sy roudiens word vandag om 11:00 vanuit die NG kerkgebou in Hluhluwe gehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Lana

Hy het “onmiddellik” met ‘n “kortpad” na die polisie gegaan. Kan nie wag om homself oor te gee vir moord. Hy is swart en sal daarom nie swaar gestraf word nie. As hy dalk ‘n kort rukkie in die tronk moet sit, sal dit in elk geval ‘n fees wees.

Cornelius du Rand

As die persoon wat dood is swart was en die beskuldigde wit was die premier, president en MEC vir die deparment reeds by die familie en het hulle ‘n huis gekry. Nou haal die berig nie eers TV nuus nie want die man wat dood is, is WIT. Die wigte en teenwigte werk fantasties.

ANDRE

DIT WAT EK WIL SE MAG EK NIE SE NIE !!!!

Oom Kalahari

Weereens ‘n moord en familie wat hartseer agter gelaat word. Al die stemme vir VF+ word verminder. Hy gaan seker weer vry kom omdat dit weer ‘n salaris dispuut is asook sekerlik weer se die “K” woord was hom toegesnou. Alle simpatie en medelye aan hierdie gesin, familie en vriende asook kollegas met hul groot verlies en bid jul alle sterkt toe in hierdie routyd. Hierdie het Satans land geword en asb kan daar nie onderhandel word vir selfbeskikking nie. Na 24jaar is ons al moeg vir dit wat in hierdie misdadige land aangaan.

A

So bitter hartseer. Baie sterkte aan almal.