Familielid kom op vrou se liggaam af

Argieffoto: Kent Williamson

Die liggaam van ʼn 59-jarige vrou is Donderdag in haar huis in Upington in die Noord-Kaap aangetref.

Kapt. Jacques September, woordvoerder van die polisie, het aan Maroela Media gesê Susan Smit se liggaam is omstreeks 17:15 in haar huis in Groenpuntweg in Keidebees aangetref.

Volgens hom het ʼn familielid op haar liggaam in haar slaapkamer afgekom.

Sy het alleen in die huis gewoon.

“Sy het vermoedelik ʼn skietwond aan haar kop gehad en is op die toneel dood verklaar,” het September gesê.

Die polisie het beslag gelê op ʼn rewolwer.

ʼn Geregtelike doodsondersoek word deur die speurtak van die Upington-polisie gedoen.

Enigiemand met inligting oor die voorval kan sers. Clive Maasdorp by 082 558 8027 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Tanzie

Mag haar siel in vrede rus.

kas

Dit klink nie vir my of daar enige gemenespel betrokke was nie.Ek twyfel of aanvallers die vuurwapen sou gelos het.

LouE

Hoe sou dit saak maak?

Hannelie

Rus in Vrede.

Vermeende

Skietwond aan die kop, wys dit na n terregstelling???