#FeesMustFall-leier hoor oor borgtog

Mcebo Dlamini in die hof. Foto: Brenda Masilela/ANA

Mcebo Dlamini in die hof. Foto: Brenda Masilela/ANA

Mcebo Dlamini, leier van die #FeesMustFall-betogings en voormalige studenteleier van die Universiteit van die Witwatersrand (Wits), het Woensdagoggend in die Johannesburgse landdroshof verskyn waar uitspraak oor sy borgtogaansoek gelewer is.

Landdros Albertus Roux het Dlamini (30) se borgtogaansoek geweier. Hy bly in aanhouding en moet weer op 15 November in die hof verskyn.

Dlamini is Sondag in Parktown in hegtenis geneem nadat die polisie op die Wits-koshuis, waar hy woon, toegeslaan het. Hy word aangekla van openbare geweld, diefstal, opsetlike saakbeskadiging en aanranding met die doel om ernstig te beseer.

Die staat het Dlamini se borgtogaansoek teengestaan en aangevoer hy is ʼn vlugrisiko. Volgens staatsaanklaer Steven Rubin kan Dlamini na Swaziland vlug, waar hy gebore is.

Volgens Rubin is die staat in besit van beeldmateriaal wat wys hoe Dlamini gevaarlike wapens, naamlik stokke en klippe, in sy besit het en ook ʼn foto wat glo wys hoe hy ʼn polisiebeampte aanrand.

Dlamini het egter aangedui dat hy nie sal vlug nie aangesien hy steeds ʼn student by Wits is en dat hy sy paspoort sal inhandig. Hy het verder ontken hy het ʼn polisiebeampte aangerand en sê hy was die slagoffer in die situasie.

Panyaza Lesufi, LUR vir onderwys in Gauteng, het intussen Dinsdag bekend gemaak die provinsie betaal Dlamini se klasgeld. “Ons betaal vir Dlamini se meestersgraad in regte en nou is hy in die tronk. Ek is bang en vrees die ergste.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Netta

Dis reg, dis waar hy hoort – anargiste soos hy hoort in die trunk. Buitendien, wat soek hy in SA? Is daar nie ‘n Universiteit in Bulawayo nie? Of wat die hoofstat van Swaziland ookal mag wees?

Denise LG

Dis nou fantastiese nuus. So behoort hulle almal behandel te word. Verniel en tjoekie toe. Hy kan daar sit tot die perde horings kry vir al wat ek omgee. Hy vermors net ons swaar verdiende geld. Gee jou uit vir ‘n toffie dan moet jy maar gekou word. GOEIE WERK MCEBO DLAMINI (jy kry waarvoor jy gevra het). Eet al jou pappies op in die trunk en ek hoop jy kry geen leer of leesstof.

Will i am

Hou hom daar. Hy eet en slaap nou in elk geval op ons onkoste. Laat hy solank leer

ToffieProffie

Wel, dis nou nie asof hy beplan het om eksamen te skryf nie……

phillip

Hy kom van Swaziland af studeer op ons belastingbetalers se geld en dan is hy die voorbok verwoester .
Hoekom help Lesufi nie liewer arm Suid Afrikaners nie