Foto’s: 25 vas oor openbare geweld, brandstigting

Die tavernes wat afgebrand is in Limpopo (Foto verskaf deur die SAPD)

Die tavernes wat afgebrand is in Limpopo (Foto verskaf deur die SAPD)

Altesaam 25 persone is in Limpopo in hegtenis geneem op aanklag van openbare geweld, opsetlike saakbeskadiging, en brandstigting nadat twee tavernes en ʼn vragmotor, wat aan ʼn drankwinkel se pakhuis behoort, aan die brand gesteek is.

“Die gemeenskap beskuldig die eienaar van die tavernes van moord ná ʼn 24-jarige vrou se liggaam vermink aangetref is voor haar huis in Mecklenburg,” het kol. Ronel Otto, woordvoerder van die polisie, gesê.

Maroela Media het vroeër berig Carol Motene se liggaam is verlede Saterdag aangetref. Sy is in die kop geskiet en haar neus, lippe en geslagsdele is verwyder.

“Haar ekskêrel is vroeër in hegtenis geneem in verband met haar moord, maar hy is vrygelaat weens ʼn gebrek aan bewyse,” het Otto bygevoeg. “Die gemeenskap verdink nou die eienaar.”

Niemand is in die gewelddadige optrede beseer nie.

Polisiebeamptes van die openbareorde-eenheid is in die gebied ontplooi.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae