[Foto’s] Chaos, plundertog by UK

Foto: Verskaf

Foto: Verskaf

Chaos het Dinsdagaand by die Universiteit van Kaapstad (UK) uitgebreek toe betogende studente op ʼn gewelddadige plundertog gegaan en polisiebeamptes skokgranate afgevuur het.

Geweld het glo uitgebreek nadat die betogende studente geweier het om aan die universiteitsbestuur se eise te voldoen. Studente verbonde aan die Rhodes Must Fall-beweging (RMF) het vroeër vandeesweek ʼn plakkershut in Residence-weg opgerig. Die plakkershut was glo simbolies van die instelling se beweerde diskriminasie teen swart studente wat nie blyplek kan kry nie.

Die universiteit se bestuur het die RMF tot 17:00 Dinsdag tyd gegee om die plakkershut te verwyder. Hulle het egter nie hieraan gehoor gegee nie en die polisie en ʼn private veiligheidsmaatskappy is omstreeks 20:30 na die kampus ontbied om die plakkershut te verwyder. Chaos het uitgebreek toe studente en polisiebeamptes slaags geraak het. Minstens twee studente is in hegtenis geneem en beserings is aangemeld.

Foto: Verskaf

Foto: Verskaf

Volgens die universiteit het die betogende studente vroeg Dinsdagaand skilderye en ander kunswerke uit die Smuts, Fuller en Jameson-koshuise verwyder aan die brand gesteek. Die studente het ook asblikke, ʼn bakkie en bus van die Jammie-pendeldiens aan die brand gesteek. Nog ʼn bus is met klippe bestook, terwyl verskeie brande ook regoor die kampus gestig is.

Dr. Max Price, visekanselier van die UK, het gesê die betogers het dit duidelik gemaak hul doel is om met die polisie en private veiligheidspersoneel slaags te raak en die universiteit tot stilstand te bring. “Ons is vasbeslote om nie toe te laat dat ʼn klein groepe gewelddadige betogers 27 000 studente en 4 500 personeellede verhoed om hul reg om te studeer en te werk uit te oefen nie.”

Volgens Price is die universiteit in die proses om ʼn interdik teen die betogers te kry. “Kriminele aanklagte sal teen die betrokke partye aanhangig gemaak word. Ons het met stappe begin om agt studente te skors. Dit is uiters betreurenswaardig dat ʼn beweging, wat met die belofte begin het om te veg vir kwessies van maatskaplike geregtigheid, versleg het tot ʼn groep wat krimineel optree en slegs een agenda het, naamlik om die universiteit tot stilstand te bring.”

Price het gesê die betogende studente se optrede is onaanvaarbaar en kan nie geduld word nie. Hy het gesê die universiteit se bedrywighede sal vandag [Woensdag] voortgaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

56 Kommentare

jongste oudste gewildste
Paperdoll

Ek staan beskaamd voor die wereld om myself ‘n Suid Afrikaner te noem te midde van wat hier aangaan. Dis barbaars om die minste te se.

willie

Hulle wil nie studeer. Moeilikheid makers.

J van Rensburg

We raised sheep while hoping the wolves will play nicely

Riaan

Ek glo nie net agt persone is vir al die chaos verantwoordelik nie. Daar moet baie meer wees. Verwyder almal van Kampus af dat dinge na normaal kan terugkeer. Moenie ingee vir hulle “demands” nie. Dis al wat hulle ken:”Demand, demand, demand”!

Berhalet Beukes

ARRESTEER EN VERVOLG HULLE! So eenvoudig soos dit!