[Foto’s] Man se liggaam in Durban-hawe gekry

Die polisie is besig om die man se liggaam uit die water te haal. Foto: SAPD

Die liggaam van ʼn onbekende man is Sondag in die vlak water by die Durban-hawe gevind.

Lt. Nqobile Gwala, provinsiale polisiewoordvoerder van KwaZulu-Natal, het Maandag gesê die liggaam is deur die polisie se soek-en-reddingseenheid naby die gewilde besoekersbestemming, Wilson’s Wharf, uit die water gehaal.

“ʼn Saak van moord word ondersoek aangesien die liggaam opsigtelike steekwonde en beenbreuke het,” het Gwala gesê.

Whilson’s Wharf is ʼn gewilde bestemming onder toeriste en plaaslike inwoners met verskeie restaurante, kuierplekke en bootritte wat van daar af bedryf word.

Die Maydon Wharf-polisie ondersoek die saak.