Frankryk gaan Rugbywêreldbeker aanbied

Argieffoto

Frankryk is Woensdagmiddag in Dublin ietwat onverwags aangewys as die gasheerland vir rugby se 2023-Wêreldbekertoernooi.

Die Franse het die stemming oortuigend gewen nadat dit twee weke gelede bekend gemaak is dat die Wêreldrugbyraad eenparig besluit het om Suid-Afrika aan te beveel as die gasheerland vir 2023 se Wêreldbekertoernooi.

Daar was Woensdag nie met die eerste stemming ʼn volslae wenner nie. Om aangewys te word, moes ʼn land 20 stemme kry. Frankryk het in die “eerste ronde” 18 stemme gekry, Suid-Afrika 13 en Ierland 8, met laasgenoemde wat daardeur uitgeskakel is.

In die tweede en finale stemming het Frankryk ses van die stemme gekry wat in die eerste ronde ten gunste van Ierland uitgebring is en Suid-Afrika net twee. Frankryk het dus met 24 stemme teenoor 15 sy tweede Wêreldbekertoernooi 16 jaar ná 2007 se toernooi verseker.

Die evaluering van die gedetailleerde bodvoorleggings is gelei deur ʼn span van Wêreldrugby en eksterne kenners. Daar is onder meer gekyk na infrastruktuur, politieke en ekonomiese stabiliteit en ʼn finansieringsmodel voordat Suid-Afrika as ʼn aanbevole gasheerland aangewys is.

Dit het tot groot ontevredenheid in Ierland en Frankryk gelei wat onder meer die hoë misdaadsyfer in Suid-Afrika genoem het as ʼn rede waarom húlle verkies moes word.

Sedert 30 Oktober is daar toe intensief deur hierdie twee lande gekoukus en ʼn mens het die indruk gekry dat die Iere, ondanks kleinerige stadia, Suid-Afrika se vernaamste teenstander met die finale stemming Woensdag sou wees.

Suid-Afrika het ná hierdie terugslag met slegs een uit vyf suksesvolle aanbiedings geslaag. Dit was in 1995.

Daarna het sy bod vir die 2011-, 2015- en 2019-toernooie ook tekort geskiet en is dit aan onderskeidelik Nieu-Seeland, Engeland en Japan, en nou aan Frankryk, toegeken.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

46 Kommentare

jongste oudste gewildste
Eish

Ek wonder nou of my eposse aan van die oorsese rugbyunies iets daarmee te doen gehad het?
Ek het net die misdaad situasie verduidelik en gesê hul moet n genoegsame vooraad swart toeritssakke saambring want paar van hul sal in die vragruim van die vliegtuie terugkeer.

Eish! Ook maar bang nè!

zoom zoom

Beste nuus in ‘n langtyd.

Kosie Kramer

Dis goed. Dis `n plettervat wat ons (hopelik) bietjie terugbring aarde toe. Weens al die politiek in sport tans, en die feit dat goeie spelers soos Heinrich Brussow en Adriaan Strauss in die verlede erg benadeel is weens provinsialisme onder afrigters soos Heineke Meyer, stel ek nie meer belang in rugby nie. (Ek moet darem erken dat ek so verarm het dat ek nie meer `n TV het nie.) Cyril Ramaphosa kla oor wittes se ikone, maar wou ons heuning om die mond smeer met rugby.

Niklaas

Nou hoekom is ek nie juis hartseer nie ? Sou ons land wat tans erg so agteruit gaan , dit teen daardie tyd suksesvol sonder korrupsie en misdaad probleme kon aanbied ? Nee ek twyfel. Baie rooi gesigte is so verhoed…..

Jan

En die Franse sê; baie dankie Zuma