Frikkie du Preez op parool vrygelaat

Frikkie du Preez (L) en Christoff Becker op die dag toe hulle die eerste keer op parool vrygelaat is Foto: TimesLive

Frikkie du Preez (L) en Christoff Becker op die dag toe hulle die eerste keer op parool vrygelaat is Foto: TimesLive

Frikkie du Preez, een van die sogenaamde Waterkloof-vier, is Vrydag op parool vrygelaat.

Logan Maistry, woordvoerder van die departement van korrektiewe dienste, het gesê Du Preez is Vrydag op parool vrygelaat na ʼn beslissing van die paroolraad. Du Preez was in die Kgosi Mampuru-gevangenis aangehou. Christoff Becker is ook vroeër die week vrygelaat.

Becker, Du Preez, Gert van Schalkwyk en Reinach Tiedt, het in 2001 ʼn hawelose man in Pretoria doodgeslaan. Die vier is op 11 Februarie op parool vrygelaat en Becker en Du Preez is op 28 Februarie weer teruggestuur tronk toe nadat ʼn selfoonvideo aan die lig gekom het wat glo wys hoe Becker en Du Preez partytjie hou in die tronk.

Du Preez het in Julie vanjaar ʼn hofaansoek gebring om weer op parool vrygelaat te word. Die hof het gelas dat ʼn nuut aangestelde paroolraad Du Preez se moet heroorweeg. Die nuut aangestelde paroolraad het bevind dat die vorige raad se besluit om sy parool terug te trek, geregverdig was.

Du Preez het teen die besluit geappelleer waarna regter Tshifiwa Maumela in Augustus uitspraak voorbehou het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Anton ·

Hy hoort in die tronk, As dit nie vir sy pa se geld was het hy nog gesit waar hy hoort

Andries Erwee ·

Ek is so gat vol vir mense wat mislukkings en net breinloos onnosel is wat dink die hof neem besluite op grond van die geld wat jy of jou pa het. Langenhoven het jare terug gese dat die dwase sal wys geag word as hy sy mond hou.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.