‘Geen rede vir paniek oor grondonteiening sonder vergoeding’

Lindiwe Sisulu (Foto: Departement van kommunikasie)

Lindiwe Sisulu, minister van internasionale betrekkinge en samewerking, het die afgelope naweek in ʼn verklaring gesê daar is geen rede om “paniekerig of bekommerd” oor grondonteiening sonder vergoeding te wees nie.

Sisulu het in die verklaring gesê sy neem kennis van ʼn aantal internasionale organisasies en individue wat kommentaar lewer oor die parlementêre prosesse in Suid-Afrika met betrekking tot grondonteiening.

“Die president [Cyril Ramaphosa] het reeds in die parlement en op verskeie openbare platforms gesê daar is geen rede tot paniek nie. Die kwessie word behoorlik hanteer en sal tot voordeel van alle Suid-Afrikaners strek; alle verwagtinge en bekommernisse van alle Suid-Afrikaanse beleggers sal in ag geneem word tydens die parlementêre prosesse en die regering sal ʼn besluit neem wat die hele Suid-Afrika bevoordeel.”

Sisulu het gevra dat internasionale én nasionale beleggers die parlementêre proses respekteer voordat ʼn finale besluit oor grondonteiening geneem sal word. “Die beleggers moet ook van die geleentheid gebruik maak om hul insette te lewer. Die president bly verbind daartoe om beleggers by die proses te betrek.”

Die internasionale gemeenskappe het volgens Sisulu ʼn “baie belangrike rol gespeel” in die stryd teen apartheid en sy “onderdrukkende en diskriminerende beleid”.

Dié gemeenskappe moet volgens haar nou weer deel wees van die regering se pogings om die “nalatenskap van apartheid” [dat swart mense minder grond besit] teen te werk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

65 Kommentare

jongste oudste gewildste
Mielie

Respekteer n ongeloofwaardige party? Regtig….. CR het gesê hy gaan die kabinet kleiner maak, net nie wanneer en in watter jaar nie. Hy het ook gesê hy gaan korrupsie vasvat en daar is nogsteeds korrupte ministers in die kabinet. Misdaad gaan beveg word met n minister wat ook n klad teen sy naam het. Neewat ANC as julle geloofwaardig wil wees….”put your money where your mouth is”. Wolf in skaapklere…..

Al

Ons afstammelinge wie wettig ons grond (met skuld) gekoop het met swaarkry omdat ons nooit mahala huise gekry het nie, moet nou gestraf word!

marous

Die dreigemente en uitvoering deur wetgewing is reeds gedoen . Laat die land in isolasie verval deur hul onverantwoordelike eensydige uitsprake en optrede !

Sonja

Ek het gister bietjie na ou gesprekke van Julius Malema geluister en kom toe af op ‘n video waar hy sê die grond moet aan die regering behoort. Wat ‘n klomp valse mense. Hulle beloof die grond vir die armstes van die armstes maar die plan is dat hulle die grond wil hê die regering.

Snowman

Dis nou baie duidelik hoekom Barclay’s so gretig was om uit die Land te kom. Ek het gewonder wat het hulle so angstig gemaak.