Gemeenskap wil lodge begin ná grondeis slaag

Min. Maite Nkoana-Mashabane. Foto: Facebook

Die minister van landelike ontwikkeling en grondhervorming het grond teruggegee aan ʼn gemeenskap van Noordwes nadat die gemeenskap aangevoer het dit is jare gelede by hulle afgeneem.

Die regerende ANC is van plan om Suid-Afrika se Grondwet te wysig sodat grond sonder vergoeding onteien kan word en die owerheid dus nie sal hoef te betaal vir grond wat by die eienaar afgeneem word om aan grondeisers gegee te word nie.

Die teruggawe van die grond in Noordwes sal lei tot die stigting van die Bahurutshe Nietverdient-wildboerderyprojek in die Nietverdient-omgewing van die Ramotshere Moiloa-munisipaliteit, waarvan Zeerust die hoofdorp is.

“Ek is verheug dat ek dié grond aan die Bahurutshe-gemeenskap kan oorhandig,” het min. Maite Nkoana-Mashabane gesê. “Die onteiening was vir hulle baie pynlik, maar vandag kan ons die terugbesorging van die grond vier.”

Sy het gesê dit maak haar bly dat die gemeenskap reeds ʼn vennootskap met die vorige eienaar aangegaan het en dat hulle saamwerk om die gemeenskap op te lei. “Die beplande lodge op die grond het die potensiaal om ʼn groot toeristeaantreklikheid vir binnelandse sowel as buitelandse toeriste te word.”

In die natuurreservaat word diere aangetref soos blouwildebeeste, gemsbokke, elande, sebras, kameelperde en koedoes.

Voordat die grond aan boere toegeken is en die gemeenskap plaaswerkers geword het, het die Bahurutshe tussen die Ngotoane-, Madikwe- en Krokodilrivier in die huidige Noordwes-provinsie gewoon.

Die Kommissie vir die Herstel van Grondregte het die grond namens die gemeenskap vir R455 miljoen gekoop. Altesaam 1 878 huishoudings kan by die transaksie baat vind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Kl

Voor Januarie 15, is die grond onontwikkelbaar en al wat n dier is dood.

Gerhard Bezuidenhout

Ek wil net graag weet wat gaan word van die boere wat destyds onteien is se grond en ingelyf is by die tuislande. Die boere is destyds swak betaal vir hul grond en die poeple verhuur dit grotendeels . Kan die boere maar ook n eis insit.

Rbn

Dit wil ek sien

Eben

Mooi. Ek sal ongelukkig nie die reservaat ondersteun nie en ook nie aan beveel nie. Dit klink net te veel na iets wat nie gaan werk nie, nogtans wens ek hulle voorspoed toe.

marco polo

lodge? Regtig Maroela, is daar nie n Afrikaanse woord nie?