’n Geraamte wat Maandagmiddag in ’n beboste gebied in Sherwood in Gqeberha (Port Elizabeth) gevind is, is dalk dié van ’n 55-jarige man wat meer as ’n jaar gelede verdwyn het.
ʼn Brandbestryder het op die geraamte in Walkerweg afgekom nadat hy ʼn veldbrand geblus het.
Volgens kapt. Sandra Janse van Rensburg, polisiewoordvoerder, het familielede van die vermiste Adriaan Scheepers reeds aangedui dat die klere en selfoon wat by die geraamte gevind is, glo aan hom behoort.
Scheepers word sedert September 2020 vermis.
Janse van Rensburg sê ’n geregtelike doodsondersoek sal nou gedoen word om te bepaal of dit wel Scheepers se oorskot is.
“Die selfoon sal ook na die polisie se kubereenheid vir ontleding gestuur word.”
Mens kannie meer in hierdie “gangster paradise” land alleen in n stad of dorp rondloop nie en gladnie ‘n beboste gebied nie.
Nie te sê dit was ‘n misdaad nie. Die selfoon was nog by die oorskot. Dalk het die man ‘n hartaanval of beroerte gekry terwyl hy gaan stap het.
Hoe ongelooflik hartseer
Dit kan wees die man aan natuurlike oorsaak oorlede is dit is hoekom alles nog by hom was en gras te lank om hom te sien oor die jare kan nie se dit was misdaad.
Ongeag die omstandighede bly dit baie tragies
Dis nou regtig ń hartseer storie.