Gesin eers gewurg, vasgebind voor huis afbrand

Kayla McKenna, Ethan Julyan en Jeffery Shaun Julyan. Foto’s: Facebook.

Die vier mense wat vroeër vandeesweek dood aangetref is nadat hul huis in Mtwalume in KwaZulu-Natal afgebrand het, is geïdentifiseer.

Die polisie het bevestig Jeffrey Shaun Julyan (34), Ethan Julyan (9), Kayla McKenna (16) en Peter McKenna (73) se liggame is in die huis gekry.

Lt.kol. Zandra Wiid, woordvoerder van die polisie, het aan Maroela Media bevestig die slagoffers is gewurg en vasgebind. Al vier liggame is in die slaapkamer aangetref. Volgens Wiid is die nadoodse ondersoek reeds afgehandel.

Wiid het gesê ʼn man is buite die huis aangetref. “Hy is hospitaal toe geneem vir rookinaseming maar is intussen weer ontslaan.”

Maroela Media het vroeër berig Pat Symcox, legendariese krieketspeler, oud-Protea en voorsitter van die Mtwalume-huiseienaarsvereniging, het sy skok en hartseer uitgespreek nadat hy en sy vrou Dinsdagmiddag die brand aanskou het.

Symcox woon al vir 20 jaar in KwaZulu-Natal en het op sy Facebook-blad geskryf dat hy en sy vrou na die toneel uitgeroep is.

“Ons het ons daarheen gehaas, maar was te laat. Ons is saam met die polisie laaste van die toneel af en het [Woensdagoggend] met swaar harte wakker geword. ʼn Hele gesin is uitgewis. Dit is ʼn nag wat ek nooit weer wil oorhê nie,” het Symcox geskryf.

Lt.kol. Thulani Zwane, woordvoerder van die polisie, het vroeër aan Maroela Media gesê dat die gesin se huis vermoedelik aan die brand gesteek is. “Die motief is in dié stadium nog onduidelik,” het Zwane gesê.

Vier sake van moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Motief?

Motief onduidelik????? Google “Genocide Watch” South Africa !!

Pieter

Hierdie saak behoort deur die media gedek word. VEEL erger as die sg doodskissaak.

Hendrik

“Die motief is op hierdie stadium onduidelik” Asseblief. Ons almal weet.

Jenny

Here,die wreedheid is te erg
Beskerm U volk asseblief

Piet

En so asof niemand n flenter om gee nie fits hierdie berig verby en geen bohaai word gemaak nie. In hierdie berig word dit ook maar teloops genoem. Watter diep gewortelde haat noop n persoon om n hele gesin dood te wurg en dan te verbrand? Hierdie is nie Jack the ripper se handewerk nie dis “maar net” nog n allerdaagse in SA. Dis die handewerk van die duiwel self en die wereldraad van kerke het niks tese nie. Hulle moet eerder die wereldraad van Satan genoem word.