Godsdiens in skole: AfriForum sal skole se regskostes dra

Foto: Don Mcphee/Guardian

Foto: Don Mcphee/Guardian

Die burgerregte-inisiatief AfriForum het aangebied om die volle regskostes van skole met ʼn Christelike etos te dra, sou diegene wat gekant is teen godsdiens in skole hulle dreigement uitvoer om dié skole in die hof te probeer dwing om op te hou om godsdiens op skool te beoefen.

‘n Laerskool in Pretoria het in ‘n omsendbrief aan sy leerlinge se ouers bevestig die Organisasie vir Godsdienste – Onderrig en Demokrasie het ses skole per hofaansoek voor die hof gedaag oor die beweerde ongrondwetlikheid van die skole se godsdiensbeleide en die toepassing daarvan. Hans Pietersen, voorsitter van die organisasie wat die hofstukke bedien het, meen dit is ongrondwetlik om een godsdiens uit te sonder en dat die Christelike gebruike by die betrokke skole gestaak moet word.

Paul Colditz, uitvoerende hoof van die Federasie van Beheerliggame van Suid-Afrikaanse Skole (Fedsas), het Dinsdag aan Maroela Media bevestig die skole wat gedaag word is die Laerskool Baanbreker in Boksburg, Laerskool Garsfontein in Pretoria, die Hoërskool Linden in Johannesburg, Laerskool Randhart in Alberton, die Hoërskool Oudtshoorn en Langenhoven Gimnasium in Oudtshoorn.

Alana Bailey, adjunk uitvoerende hoof van AfriForum, het aan Maroela Media gesê die burgerregte-organisasie het reeds in 2009 aangebied om die volle regskostes van skole met ʼn Christelike etos te dra, sou diegene wat gekant is teen godsdiens in skole hulle dreigement uitvoer om dié skole in die hof te probeer dwing om op te hou om godsdiens op skool te beoefen. Bailey het gesê die organisasie se siening het nog nie verander nie en het vandag die aanbod laat herleef.

Colditz het aan Maroela gesê Fedsas vergader Vrydagoggend met die onderskeie skole om te besluit hoe die skole die saak sal hanteer.

Lees ook:
Christenwaardes in skole: Verset teen hofaksie gesteun
Nuuskommentaar: Skole – beteken godsdiensvryheid géén godsdiens?


ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

60 Kommentare

jongste oudste gewildste
Marieta

En net daar le die wortel van al die kwaad in die ou sondige wereld! Kinders ken nie meer die gebod van ons Vader nie, en morele waardes word nie gekweek nie. Disrespek en wangedrag is die wrange vrugte hiervan.

Marieta

En net daar le die wortel van al die kwaad in die ou sondige wereld! Kinders ken nie meer die gebod van ons Vader nie, en morele waardes word nie gekweek nie. Disrespek en wangedrag is die wrange vrugte hiervan. Dankie Afriforum vir jul bereidwilligheid om te help. Ons land en sy mense het voorwaar meer sulke organisasies soos julle nodig.

piesang

Satan hard aan die werk

celeste peyper

Ons kan saam staan vir ons Christen skap soos christene behoort

celeste peyper

Ons kan saam staan vir ons Christen skap soos christene behoort