Groot hupstoot vir SA danksy Isuzu Motors-belegging

Rob Davies, minister van handel en nywerheid (Foto: Departement van handel en nywerheid via ANA)

Die Suid-Afrikaanse ekonomie het ʼn groot hupstoot gekry danksy Isuzu Motors wat die Struandale-aanleg in Port Elizabeth aangeskaf het.

Die departement van handel en nywerheid het Sondag in ʼn verklaring gesê die aanleg sal beleggersvertroue in die land verstewig.

Isuzu het verlede jaar aangekondig dat hy die ligtevoertuig-bedrywighede in Port Elizabeth sal aanskaf en die balans van sy aandeelhouding in Isuzu Trucks South Afrika.

Die Japannese vervaardiger het die Struandale-aanleg, wat aan General Motors behoort het, gekoop. General Motors het in Mei 2017 aangekondig dat hy sy belegging in Suid-Afrika onttrek. Dié besluit was “deel van die maatskappy se breër internasionale strategiese herstruktureringsposisie om uit sekere markte te onttrek”.

Isuzu Motors, gekonsolideer in een onderneming wat nou as Isuzu Motors South Africa bekend staan, is van Januarie af in werking en sal Isuzu-bakkies en -vragmotors bou.

Minister Rob Davies het Vrydag tydens die opening van die aanleg gesê die belegging sal verdere werksverliese voorkom. “Altesaam 1 000 poste by die fasiliteit sal gered word en daar is 3 000 poste in die direkte verskaffingsketting en nog ʼn paar duisend by die verskaffingsmaatskappye. Die poste sal ook in die toekoms verseker wees,” het Davies bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
jaco

En as Ramaphoza se radikale ekonomiese transformasie oor ‘n jaar of gouer inskop, word dié besigheid genasionaliseer en verdwyn die hupstoot vir die ekonomie ook dadelik.

Johan. H.

As julle het die projekkie moet duik,,, BBBBEEE dit, Te oulik,,,

Piet Pompies

Ons was gedurende Sept 2017 in Port Elizabeth omgewing waar die fabriek is. Daar heers baie opgewondenheid onder die sake gemeenskap oor toekomstige beleggings in die gebied vir die toekoms. Isuzu was een daarvan en dit het waar geword, Dunlop het alreeds verander en groter geword. Vervaardiging skep kapitaal, veral buitelandse kapitaal wat goed is vir ons land. Geluk aan Isuzu en die vertroue in ons land.

Johan. H.

Die ou plekkie moet natuurlik ook asb ge BBBEEEE word hoor, Maar ek glo lankal niks wat n politikus se nie, Is die nie n Chinese maatskappy nie,,, Gee ons die ware feite!!!

Gemaskerde Sopbeen

As hierdie maatskappy regtig wil, en hulle vingers uit hulle ore trek, kan hulle ons plaaslike “over-rated & over-priced” Toyotas ‘n go gee….Ek’s lankal lus vir iets anders….