At van der Merwe (78) het vermoedelik aan ’n hartaanval gesterf toe rowers op 23 Julie op hom en sy vrou, Elize, in hulle huis op Daniëlskuil in die Noord-Kaap toegesak het.
Van der Merwe is op die toneel dood verklaar terwyl Elize na ’n nabygeleë hospitaal geneem is. Sy het beserings aan haar bene opgedoen.
Volgens lt.kol. Dimakatso Sello, polisiewoordvoerder, het die rowers omstreeks 04:00 deur ’n venster toegang tot die egpaar se huis verkry.
“Die verdagtes het ’n televisie gesteel en van die toneel gevlug. Niemand is al in hegtenis geneem nie, maar die polisie ondersoek ’n saak van huisbraak.”
Van der Merwe is Saterdag tydens ’n gedenkdiens in Kimberley beskryf as iemand wat baie lief was vir plante, veral blomme.
Hy het jare lank vir die De Beers-groep gewerk en het ná sy aftrede ’n tuindiens in Daniëlskuil begin.
Elize het in ’n brief aan haar man, wat in sy begrafnisbrief verskyn het, gesê dat sy nie ’n lewe sonder haar man kan voorstel nie.
“Ek koester ons 52 jaar se liefde en herinneringe saam.
“Ek kan nie wag om weer, met trots, langs jou te staan [nie].”
Sy seun, Hendrik, het in sy brief gesê, gesê hy gaan sy pa baie mis.
“Ek en jy kon met passie redeneer, maar daardeur het ek baie by Pa geleer en daarvoor wil ek dankie sê.”
Van der Merwe se ander seun, Jaco, het op sy beurt geskryf dat hy dit sal mis om saam met sy pa windbuks te skiet.
“Dankie Pappie, vir jou voorbeeld en lewenslesse.
Innige simpatie met die tannie en hul familie en vriende! Mag God julle dra in die moeilike tyd. Dis so hartseer
Kla hulle aan van moord as hulle gevang word die oom sou nie hartaanval gekry het van skok as hulle nie daar was.
Bitter hartseer. Sterkte liewe tannie
Daar is regtig nie meer woorde vir hierdie lafhartige optredes deur mede landsburgers nie .
Sterkte aan die familie en vriende, jul bly in my gebede.
Nou watse beserings het die vrou aan haar bene gehad? Dit klink so ligweg beskryf asof die ou maar net ingebreek het om die tv te kom haal en toevallig is die oom oorlede aan ‘n hartaanval. Ek kry die indruk dat die hele voorval “in die verbygaan” genoem word. Nee!! Daar was trauma. Erge trauma op daardie ouderdom. Swerkater. En dit vir ‘n stupid tv stel. My opregte en innige simpatie aan die oorlewendes. Ek weet hoe dit voel om ‘n pa te verloor.
Dis hartseer. RIV Oom. Simpatie en sterkte aan sy gesin.
Jaco, ek is so geweldig hartseer vir julle. Kan nie in woorde sê hoeveel ek hierdie aanval oordeel nie. Mag jy en jou familie deur hierdie gaan en net die goeie van jou onthou
Ai dis baie hartseer. My innige meegevoel aan die familie.
Strafbare manslag?