‘Here, hou my hand vas vanaand,’ toe skiet hy gesin dood

‘n Inskrywing wat Johan Brody op 28 Mei vanjaar op sy Facebook-profiel gemaak het.

ʼn 64-jarige man van Elspark in Germiston het Dinsdag in die vroeë oggendure sy drie kinders doodgeskiet en daarna homself.

Kapt. Lesetja Mathobela, woordvoerder van die polisie, het aan Maroela Media bevestig die voorval het omstreeks 03:30 plaasgevind.

“Johan Brody het sy drie kinders, onderskeidelik 35, 37 en 38 jaar oud, doodgeskiet en daarna homself,” het Mathobela gesê.

Dié skokvoorval is voorafgegaan deur ʼn onheilspellende boodskap wat Brody Maandag op sy Facebook-profiel geplaas het: “Here, hou asseblief vanaand my hand styf vas…”

Mathobela het gesê Brody se vrou is verlede jaar oorlede.

‘n Inskrywing wat Johan Brody op 17 Mei vanjaar op sy Facebook-profiel gemaak het.

Volgens inligting op sosiale media is Brody se seun se naam, Dawid. Sy dogters is tans net bekend as Tanya en “Ounooi”.

Tanya en Ounooi is glo geskiet terwyl hulle in hul beddens gelê en slaap het. Volgens Mathobela het die bure die polisie in kennis gestel van die voorval ná hulle skote gehoor het.

Brody het op 17 Mei op Facebook gesê dat hy op soek is na werk omdat sy werkgewer gelikwideer is en al die werknemers het hul werk verloor. Op 26 Mei het hy geskryf: “You get some people who try to live and then you get some people who try to die. It is so difficult to die… [sic]”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

128 Kommentare

jongste oudste gewildste
bolla

Ek wonder of die kinders se ouderdomme korrek is in die berig. Ek bedoel ‘n ou kan seker eenkeer ‘n glipsie maak as jy ‘n tiener is maar driekeer?

Eish

Die foltering van verarming skeur ons menswees uitmekaar.

Ek is

Dit is hart verskerend, ons bid vir vrede en berusting vir die naas bestaandes.

TLC

Genugtig hkm was sy kinders nog op so hoë ouderdom nog onder sy dak of is daar n groter storie hier agter Hul het dalk ook nie werk gehad nie Riv almal van julle

Tanya

Ek gaan my lewe ook moet neem binnekort. Kan nie meer my huur betaal nie. Het nêrens om heen te gaan nie. Het ook my werk verloor, hier is geen werk nie. My bietjie spaargeld gaan net so vor huur en dis amper op. Bang vir die strate, vrou alleen, al weet ek dat ek op God moet vertrou. Darem geen afhanklikes. Moenie mense oordeel wat dié uitweg neem nie asseblief, dit kom oor ‘n lang tyd van swaarkry en lyding. Dit is die hart se Plan B. Mag die Here ons genadig wees in hierdie donker. Dankie.