Maya net in ‘n haglike toestand by die DBV opgedaag (Foto: Nelspruit SPCA)
Die Dierebeskermingsvereniging (DBV) in Nelspruit het Woensdag ʼn hond ingeneem wat twee maande gelede agtergelaat is nadat haar eienaars getrek het.
Nicki Milachowski, bestuurder van die hondehawe by die DBV, sê ʼn buurman het die hond, wat intussen Maya gedoop is, ingebring. Sy was in ʼn uiters verwaarloosde toestand toe sy by die DBV aangekom het.
Die DBV se veeartse het haar dadelik ondersoek en vasgestel dat sy omtrent 7 kg ondergewig is en dat haar energie- en ystervlakke ongelooflik laag is. Sy was ook met bosluise oortrek.
‘n Tumor is op Maya se lyf ontdek (Foto: Nelspruit SPCA)
“Die veeartse het vir haar ʼn vitamien B-inspuiting en ontwurmingsmedikasie gegee. Sy is ook vir die bosluise behandel,” vertel Milachowski. “Sy word nou fyn gemonitor en gaan daagliks vir opvolgbesoeke by die veearts. Sy volg ook ʼn gespesialiseerde dieet om haar energie- en ystervlakke te laat styg.”
Intussen het die veeartse ʼn tumor op Maya se lyf ontdek, wat later met chemoterapie behandel gaan word.
“Sy lyk al klaar beter. Sy lig al haar kop op en loop al meer rond.”
Milachowski sê die DBV kry gereeld met sulke gevalle te doen, en soms kan hulle nie die diere red nie omdat hulle vir te lank verwaarloos gelaat is.
“Ons probeer als in ons vermoë om diere soos Maya deur te trek.”
Die DBV het op Facebook sy dankbaarheid betuig vir die mense wat reeds finansiële en kosbydraes gemaak het. Die organisasie doen ook ʼn beroep op die publiek om enige vorm van dieremishandeling so gou as moontlik aan te meld.
“Dit sal ons so gelukkig maak om Maya se klein, moeë lyfie en gebreekte siel te herstel en haar dan na haar ‘vir altyd huis’ te stuur.”
As jy nie eers vir ‘n hond kan sorg wat min werk is hoe kan jy vir ‘n mens omgee of sorg.
Bid liewerste vir genade, as ek vir krag bid, mag ek net dalk inni tjokkie sit. Flip dit maak my sooooo kwaad!!!
Mens wonder wat die situasie was dat die stomme hondjie eers na 2 maande DBV toe gevat is.
Watter tipe mens doen soiets aan ‘n onskuldige, afhanklike dier? ‘n Totale gebrek aan opvoeding! Dit maak my woedend!
Helene, ek voel ook so! Ek is net bly Maya kry nog ‘n kans en dat sy volkome sal herstel.
Party mense moet liewer nie diere aanhou nie.
Party keer wonder jy wie die diere is– die mense of die diere
Ja en ook nie kinders nie want hul kinders gaan die onmenslikheid by hulle leer.
Ek voel so jammer vir daai mense wat dit aan die hond gedoen se kinders. Wonder wat alles aan hulle gedoen word!
Hoekom hou mense diere aan as hul nie van diere hou nie? Ek is self nie ‘n diere aktivis en liefhebber nie, maar sal nooit so iets doen aan ‘n dier nie. Dis sonde.
Ek hoop die eienaars word gevind en aangekla. Asb!!
Skiet my maar… Ek dink die hond moes uit haar ellende verlos gewees het op die eerste dag dat die hond daar aangekom het. Maar dit blyk tog of die DBV baie geld het om nog kanker ook te behandel…
Ek is seker julle kan opvolg wie die eienaars was DBV? Sal wil weet wie hulle is, en hulle moet in hof verskyn. Hoop julle volg op
Dink alle diere mishandelaars se name moet op n register aangeteken word soos met kinder molesteerders
Arme diertjie het heeltemal weggekwyn. Dit is absoluut verregaande en hartverskeurend! Nou wil ek net ook weet, hoekom kon die buurman nie die hondjie al lankal DBV toe gevat het nie? Wil jy vir my sê hy kom na 2 maande eers agter daar is ñ hondjie langsaan wat wees gelaat is? Ag nee wat man! En dan sê ek liewer maar niks van die wrede mense wat dit aan die hondjie gedoen het nie. Dis absoluut gewetenloos!
Ek is net dankbaar iemand het haar gered,alle diere is Engele Van God.hoop daai mense wat maya net so gelos het sonder gevoel,emosie,omgee en liefde kry hulle dag.Moet nooit met God se skepping speel nie jy sal tweede kom.Sterkte maya en ek weet jy gaan nog baie liefde en omgee kry.
Amen
Ek dink daar is ‘n spesiale plek in die ewigheid bespreek vir mense wat hulle diere so verwaarloos! … Hoe op dees aarde?
Die minste wat jy kan doen is om die menslike ding te doen en gee die diertjie by die DBV af, en wees eerlik dat jy eintlik verbied moet word om enige troeteldier in jou sorg te hê.
En om te dink sulke mense het gewoonlik ook kinders.
Ek is gekant teen die konsep van ‘n ‘troeteldier’ want vir vele diere beteken om troeteldier te wees mishandeling, verwaarlosing en lyding vir die dier. Troeteldiere / plaasdiere / makdiere gebruik ontsettent baie hulpbronne wat beter aangewend kan word en hulle is ook grootliks verantwoordelik vir die uitwissing van inheemse spesies en habitat verwoesting. Stop alle handel van diere. Steriliseer alle diere wat alreeds in aanhouding is. Keur mense wat diere wil versorg en laat hulle diere aanneem van skuilings. As ons dit doen sal ‘troeteldiere’ en plaasdiere getalle oor tyd afneem en na gelang van tyd sal wilde diere hulle regmatig plek in die omgewing terug wen
Ons het nie troeteldiere nie (wat eintlik verwys dat hulle vertroetel moet word). Ons het viervoetige kinders/babas. Ek wens net slmal wil hulle so sien… As kinders/babas… Miskien gee hulle dan bietjie meer om
Hoekom doen mense dit aan diere.
Die sleg wetters. Hoop hulle kry groot skade vir die onreg aan die dier gedoen
Vervolg die eienaars.
Please may we have Maya I am desperate to have a dog as there are just no dogs to adopt here in England.
Only if you would buy her a thick blanket and coat, Caroline. Maya’s not used to snow!
Sulke diermishandelaars moet tronk toe gaan! Boetes kry, mag nooit weer ‘n troeteldier besit nie. Kyk na Amerika, hulle howe duld nie diermishandelaars nie, van kat, hond, perd, donkie, maak nie saak watter vierpotige dier nie. Skande. Ek hoop hulle spoor die mishandelaars op.
Engels op aarde.
Ek hoop die dbv kry die ondersteuning wat hulle so dringend benodig.