Honderde jare tronkstraf vir transitorowers

hof-hamer

Argieffoto

Twee mans is Woensdag in die hooggeregshof in Polokwane altesaam 258 jaar tronkstraf opgelê vir hul betrokkenheid by ʼn reeks transitorooftogte.

Boitumelo Daniel Aphane (34) en Solly Solomon Monama (38) was tussen September en Oktober 2017 in Polokwane, Seshego, Mankweng en Ritavi by verskeie transitorooftogte betrokke.

Matimba Maluleke, woordvoerder van die Valke, sê die Valke het die twee in September 2018 in samewerking met die provinsiale georganiseerde misdaadspan in Polokwane vasgetrek nadat inligting omtrent hulle opgevolg is.

Aphane is in Dennilton en Monama in Hammanskraal vasgetrek en daar is op R250 000 se kontant en ʼn AK47-aanvalsgeweer beslag gelê.

Aphane wat tans 25 jaar gevangenisstraf uitdien vir ʼn soortgelyke oortreding, is tot altesaam 192 jaar tronkstraf op 24 aanklagte gevonnis.

Hy is gevonnis tot 20 jaar tronkstraf op vyf aanklagte van roof met verswarende omstandighede, vyf jaar op 11 aanklagte van die onwettige besit van ʼn vuurwapen, drie jaar op vier aanklagte van die onwettige besit van ammunisie, agt jaar op drie aanklagte van die onwettige besit van plofstowwe en 12 maande vir die rig van ʼn vuurwapen.

Al die vonnisse gaan gelyklopend met die 25 jaar tronkstraf uitgedien word.

Monama is tot altesaam 66 jaar tronkstraf op agt aanklagte gevonnis. Hy is gevonnis tot 20 jaar tronkstraf op twee aanklagte van roof met verswarende omstandighede, vyf jaar op vier aanklagte van die onwettige besit van ʼn vuurwapen en drie jaar op twee aanklagte van die onwettige besit van ammunisie.

Die hof het beveel dat die vonnisse gelyklopend uitgedien moet word.

Godfrey Lebeya, die nasionale hoof van die Valke, het die ondersoekspan geloof vir hul harde werk. Hy het ook die vonnisse verwelkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Phillip

En word vreigelaat op goeie gedrag en kry parool op 10 jaar wand dit tel mos lewinslak as ek dit nou reg

Nozi

10 tot 15 jaar tronk straf vir moord, maar lewenslank vir transito roof. Het geld nou al belangriker geword as iemand se lewe? Geld kan vervang word maar ‘n lewe nooit. Maar ja, ek is regtig bly hierdie 2 het gekry wat hul toekom.

Rentia

Goeie strawwe, as dit nie ‘n FEIT was dat hulle na 8 jaar op parool sal wees nie. Die kans en heilige waarheid is egter besonder groot dat hulle nog voor dit sal uit wees, want covid… of die volgende siekte… oorvol tronke… die het mos “regte”. Dit bly egter skokkend dat jy kan moord pleeg en net 10 jaar kry, maar lewenslank (25jaar veronderstel) vir transito roof? Is geld meer werd as mense lewens? Wat word van ons land met so regstelsel?

Persheks Adri

Great hoop hulle sit vir ewig, maar ons weet mos parool gaan êrens in kom… Tronke is mos oorvol eish.

Hoekom word die strawwe nie toe gepas op moord nie? Hierdie regstelsel darem. Maak nie sin nie

Kosie

Hoekom hulle tronkstraf gee vir elke oortreding en dan se dit moet gelyktydig uitgedien word, dit maak nie sin nie, dien elke straf apart uit hulle moet sit vir die res van hulle lewe want hulle gaan uitkom en net dieselfde of erger dinge doen.