Honderde vas in Jhb

Argieffoto: SAPD

Argieffoto: SAPD

Die polisie in Johannesburg het sedert Vrydag 249 mense in die stad in hegtenis geneem en op verskeie items, waaronder dwelms en vuurwapens, beslag gelê.

Ao. Xoli Mbele, woordvoerder van die polisie, het gesê die verdagtes is in Mondeor, Booysens, Moffatview, Langlaagte, Fairlands, Sophiatown, Brixton en die middestad in hegtenis geneem.

Volgens Mbele is 16 verdagtes in hegtenis geneem vir roof, agt vir gewapende roof, drie vir kaping, twee vir moord, vier vir huisbraak, een vir verkragting, vyf vir huishoudelike geweld, 64 vir dronkbestuur, 54 vir die besit van dwelms en 11 vir kwaadwillige saakbeskadiging.

Die ander verdagtes is onder meer in hegtenis geneem op aanklag van aanranding met die doel om ernstig te beseer, diefstal, omkopery, winkeldiefstal en bedrog.

Die verdagtes sal Maandag in die onderskeie landdroshowe in die stad verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Neil

So nou dat die ANC JHB kan verloor doen die polisie skielik hulle werk.

Koos

Die belastingbetalers wil die tipe optredes elke dag sien dit moet die polisie se werk wees elke dag regoor Suid-Afrika en nie een keer elke skrikkeljaar nie ,nogtans dankie goeie werk bou voort op dit.

RK

Well done!

plaasjapie

Ja nee tyd om te “spark”…verkiesing tyd ommie draai.

Ana

Well done SAPS…keep up the good work…ons weet dis ń oorweldigende taak…en iets wat mens bang maak…dit sit nie in enige een se broek alleen teen ń magdom uit te klim en jou eie lewe op die spel te plaas nie. Dankie vir julle goeie werk!