Hospersa dreig met staking by SANParke

SANParke

Die vakbond Hospersa het gedreig dat hulle landswyd by SANParke gaan staak ná loononderhandelings by die toerismereus vasgeval het. Twee ander vakbonde ondersteun ook die staking.

Kevin Halama, woordvoerder van Hospersa, het gesê die vakbond het SANParke gewaarsku om die kwessie van regverdige vergoeding aan te roer, anders sal die staking ʼn negatiewe impak hê op toerisme-inkomste en bewaringspogings.

Hospersa is die meerderheidsvakbond by SANParke. Personeel word ook deur twee ander vakbonde verteenwoordig.

Halama het gesê onderhandelings by die Kommissie vir Versoening, Bemiddeling en Arbitrasie (KVBA) het vasgeval ná die partye nie kon ooreenstem oor ʼn salarisverhoging nie. “Die kommissaris het aanbeveel dat die partye op ʼn 8%-verhoging skik, en die vakbonde was bereid om dit te aanvaar, maar SANParke kon slegs 6,5% aanbied. Die partye sal weer volgende week Woensdag vergader om planne te finaliseer vir die staking.”

Hy het bygevoeg die vakbonde is baie teleurgesteld dat SANParke nie aan die 8%-aanbod kon voldoen wat die kommissaris aanbeveel het nie. “Die onderhandelings sloer al te lank, aangesien ons lede al sedert April vir hul verhogings wag. Ons het geen ander keuse as ʼn staking nie om die werkgewer te dwing om sy aanbod te verbeter.”

SANParke maak intussen gereed vir sy jaarlikse week waar gratis toegang aangebied word tussen 8 en 15 September 2019. Tydens dié week kan besoekers al 21 SANParke-fasiliteite gratis besoek. ʼn Staking deur die drie vakbonde sal die dag-tot-dag-dienste beïnvloed wat huishoudelike en besoekersaktiwiteite soos begeleide staptogte, wildkyktoere en vulstasies insluit.

“Besoekers sal ook sukkel om toegang te bekom tot die parke, omdat toegangshekke en ontvangsgeriewe by kampe hierdeur geraak sal word,” het Halama verduidelik. “Ons lede sluit veldwagters, wildbewaarders, veldgidse, vulstasiepersoneel en ontvangspersoneel in.”

Hospersa het aanvanklik ʼn verhoging van 11% geëis.

Nagenoeg 5 000 werknemers sal na verwagting aan die staking deelneem.

“Ons doen ʼn beroep op SANParke om sy posisie te heroorweeg om die staking te verhoed,” het Halama gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Adoons

SANPARKE gaan hulself uit die mark uit prys vir die meeste plaaslike besoekers! Sommige reservate se fooie het die afgelope twee jaar met 25% gestyg. Wie gaan die stakers betaal as plaaslike besoekergetalle daal? Met die beelde wat nou op TV gewys word oor hoe buitelanders hier behandel word, gaan oorsese toeristegetalle ook daal! Besef werkers nog nie jy kan jouself werkloos staak nie?

Ben

Staak die ekonomie die afgrond in, ons raak al gewoond daaraan.

Pottie

Dit is tyd dat ons blankes ook staak want die anc mors met ons maar ons is mos soos donkies hou maar net aan ons moet maak soos hulle as die regering iets doen wat ons nie van hou nie dan staak ons hoe klink daai

Derek

Gaan…soooo bevorderlik vir die ekomie en toerisme boonop wees…!!!
HOE dom kan mens wees?

Wielspore

Nog ‘n staking in die KNP, is daar dan ‘n poging om ‘n nuwe rekord op te stel vir die hoeveelheid stakings in een jaar.