Jong man deur honde verskeur

Ruan van Staden (Foto: Ruan van Staden/Facebook)

ʼn Begrafnisdiens sal Donderdag plaasvind vir Ruan van Staden (20) wat dood is toe hy deur twee honde aangeval is.

“Hy was op 4 April omstreeks 11:00 alleen by die huis in Ermelo, Mpumalanga, toe die honde hom aangeval het,” het brig. Leonard Hlathi, woordvoerder van die polisie, aan Maroela Media gesê. “Die twee honde, Bullmastiffs, behoort aan Ruan se pa, maar hy was nie tuis tydens die voorval nie.”

ʼn Buurvrou het ondersoek ingestel toe sy geluide gehoor het en ʼn waarskuwingskoot in die lug gevuur om die honde af te skrik, maar dit het nie gehelp nie. “Lede van ʼn plaaslike sekuriteitsmaatskappy, ACSU, is ontbied. Hulle het die honde van kant gemaak, maar dit was te laat om Ruan se lewe te red,” het Hlathi bygevoeg. “Hy het aan sy beserings beswyk.”

Dit is nog nie duidelik waarom die honde Ruan aangeval het nie.

Die diens word op 11 April om 10:00 in die Pinkster Protestante Kerk in Genl. Hertzogstraat in Ermelo gehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

81 Kommentare

jongste oudste gewildste
Msp

Bittere slegte nuus. Ek dink in die moeilike tyd aan die ouers, familie en vriende.

Helena.

Dis darem baie tragies..hoe voel n ouer om sy jong seun so af te staan aan die dood. Honde is ook nie altyd n mens se beste vriend nie. My innige meegevoel.

jennefer

Verskriklik, simpatie aan die familie.

Sê Maar Net

Honde val nie sommer iemand aan wat hulle ken nie. Daar moes defnetief ń rede gewees het.
My hart gaan uit na die jongman se ouers.

JP

My innige meegevoel met R se familie, dit wys weereens die soort diere is lewens gevaarlik