Kêrel bly agter tralies ná moord op student

Die foto van Karabo Mokoena wat op haar vermiste persoon-plakkaat versprei is

Sandile Mantsoe, wat verdink word van die moord op sy meisie van sewe maande, Karabo Mokoena (22), bly in aanhouding nadat sy borgtogaansoek Vrydag in die Johannesburg-landdroshof uitgestel is.

Mokoena, ʼn student aan die Regenesys-sakeskool, se verkoolde liggaam is op 29 April in ʼn sloot in Bramley gevind, ʼn dag nadat sy as vermis aangemeld is. Sy is die laaste keer in haar kêrel se woonstel gesien. Mantsoe is kort daarna in hegtenis geneem en is sedertdien in aanhouding.

Mantsoe het Vrydag vlugtig in die hof verskyn. Times Media het ʼn aansoek gebring dat die hofverrigtinge uitgesaai kan word, maar die aansoek is deur die staat en Mantsoe se regsverteenwoordigers teengestaan.

Landdros Carlo Labuschagne het die saak tot 23 Junie uitgestel vir die nodige partye om betoë in die aansoek te lewer, waarna hy ʼn uitspraak sal lewer en die borgtogaansoek kan voortgaan.

Mantsoe bly in aanhouding.

Lees alle vorige berigte oor Karabo Mokoena op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Robert ·

Nou waarom sal regter Carlos toelaat dat die staat wil verhoed dat die saak uitgesaai word?! Is dit dalk om te verhoed dat die wêreld sien dat inhirente bloeddorstigheid en nie “apartheid” en “wit rassisme” sekere volke dryf nie? Dat die “sterkste sal oorwin” in SA van toepassing is? Toe, praat bietjie uit

SARIE VAN HEERDEN ·

Hy sal borg kry, losgelaat word om weer verder iemand te vermoor soos wat daagliks gebeur.

SARIE VAN HEERDENS ·

Weet nie of die herinstelling van die doodstraf voordelig vir die witman sal wees nie. Pasop dat dit nie misbruik word nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.