Die gemeenskap van France in Edendale naby Pietermaritzburg het verbete probeer om ʼn 11-jarige meisie te bevry wat in ʼn wasmasjien beland en vasgesit het.
Ross Campbell, woordvoerder van ER24, het gesê die kind het omstreeks 18:30 Sondag bo-op die masjien se deksel gestaan om wasgoed in die agterplaas van haar grootouers se huis op te hang.
“Die meisie se onderbene het agter haar ingevou en sy het al sowat ʼn uur lank vasgesit teen die tyd dat ER24 aangekom het. Ander inwoners het reeds gehelp om die buitekant van die masjien te stroop en ʼn kombinasie van krag- en ander gereedskap is gebruik om deur die drom te sny om die meisie te bevry,” het hy gesê.
Die kind het ʼn mediese ondersoek ondergaan en het geen beserings opgedoen nie.
“Gelukkig het haar grootouers vinnig die erns van die situasie besef en die nooddienste en inwoners het regtig saamgewerk om die meisie te help.”
Goeie werk deur al die betrokkenes. Dit was nou n regte frats ongeluk met goeie gevolge. Africa that is why I am staying
Weer n ouma en oupa ja nee wat!
@dom, wat bedoel jy met dit is net oupa en ouma? Jou naam is gepas met sulke uitlatings wat jy maak. Ek is ook n ouma wat my kleinkind groot maak en ek verseker jou sy is ten alle tye veilig by my.
Nannie ek dink die vraag is waar is die kind se ouers?
Sjoe! Nou het ek alles gehoor.
Dom, jy het seker nie n ouma en oupa nie. Ons maak ons kleinkind al groot van geboorte af. Ek kan jou verseker haar 7 jarige lewe is net so volmaak soos enige ander kind van haar ouderdom. Haar prestasies by die onlangse prysuitdeling bewys dit. Miskien moet jy jou skuilnaam onnosel maak!
Jou naam is natuurlik Jan plank. Seker baie trots op jou kind.
Nou ja, presies.
Slim. Oneiendig trots en lief vir haar. Sy Klim ook nie op wasmasjiene nie. As ek n plank gehad het sou ” Dom” kop eerste in sy wasmajien geval het. Oumas en Oupas is die dierbaarste en slimste mense ooit!