Kommer oor swanger ma’s wat drink

Argieffoto

Suid-Afrika het die hoogste aangetekende koers van fetale alkoholsindroom, het The Times Dinsdag berig.

Volgens die Foundation for Alcohol Related Research is nagenoeg ses miljoen mense in Suid-Afrika onherroeplik geraak nadat hulle in die baarmoeder aan alkohol blootgestel is.

Die stigting se navorsing word wêreldwyd erken. In dié studie het dit aan die lig gekom dat die voorkomssyfer in sommige dele in die Noord-Kaap tot 18% is. In Gauteng is dit sowat 2,7%.

Daar is aanvanklik gedink dat kinders van veral plaaswerkers in die Wes-Kaap hoofsaaklik deur die sindroom geraak word, maar die jongste studie toon dat die gevalle nou in stedelike gebiede en onder jong swart ma’s toeneem.