Kurt Darren se ope brief ná erge kritiek

Kurt Darren en die sanger Matthew Mole voor hul optrede by die Uniegebou in Pretoria Foto: @kurtofficial, Twitter

Kurt Darren en die sanger Matthew Mole voor hul optrede by die Uniegebou in Pretoria Foto: @kurtofficial, Twitter

Kurt Darren het Dinsdag in ‘n ope brief gesê hy is ontsteld oor die aggressiewe kommentaar wat gemaak is nadat hy Saterdag tydens pres. Jacob Zuma se inhuldiging opgetree het.

“Toe ek ingestem het om by President Jacob Zuma se inhuldiging Saterdag in Pretoria te sing, het ek verwag daar sou kritiek wees, maar die agressie van die kommentaar wat ná die tyd gemaak is, is baie ontstellend,” skryf Darren in die ope brief.

Maroela Media het Saterdag berig Darren het voor sy optrede by die Uniegebou in Pretoria gesê die huidige regering het tandkryprobleme, maar hy dink ons moet saam werk om daardeur te kom. “Ons is ʼn ongelooflike nasie,” het hy bygevoeg.

Darren se uitlatings het ook op Maroela Media baie skerp kritiek uitgelok.

“Ek besef dis net ‘n klein groepie mense wat nog nie aanbeweeg het nie en nie besef hulle bly in ‘n demokratiese Suid-Afrika nie,” skryf Darren verder in die ope brief. “Ek het die afgelope paar dae stil gebly, maar ek voel ek moet my kant van die saak stel. Ek is ‘n trotse Suid-Afrikaner. Ek het al baie in my lewe gereis en Suid-Afrika is altyd die plek waarna ek terugkeer omdat dit is waar my hart en siel is.”

Hy gaan voort: “Vir iemand om te skryf dat hulle wens my en Dunay se baba word dood gebore, is die laakbaarste ding wat enigiemand kan sê. Ek het kommentaar soos hierdie en ander negatiewe kommentaar verwyder want ek wil nie ander mense daaraan blootstel nie. Baie van my aanhangers is jonk en ek wil hulle beskerm teen vieslike haat soos hierdie.”

Klik hier om die res van sy brief te lees.
Klik hier om die oorspronklike berig op Maroela Media te lees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
Theresa Ross

Ja. Mens voel so half skaam nou. Maar mnr Darren moet besef dat, since hy die ‘Afrikaanse kultuur’ omarm en verteenwoordig (in sy eie woorde), hy versigtiger sal moet wees oor wat hy sê vir en voor die publiek, veral waar blanke afrikaners spesifiek, onderdruk en uitgemoor word, en dit is ongelukkig die FEITE. ‘n Voos geslaande nasie wil ongelukkig nie meer hoor hoe hulle moet ‘saamwerk’, as hulle reeds amper alles verloor het nie. Ek glo wel Kurt Darren se bedoeling was beslis nie om haat aan te wakker nie, en ek stem 100% saam dat van die reaksies… Lees meer »

Mariana Fourie

Ek is jammer oor die erge lelike reaksies, maar ek verstaan alles wat jy in hierdie brief probeer sê. Ek het nog net nie gehoor jy skerm vir die witmense wat baie swaarkry, nie werk kan kry nie en vermoor word net oor hul velkleur. Ek was een van die wat gaan regmerkie maak het om die land te verander nie om daarna swaar te kry nie. My seun kry nie werk, my familie sukkel in hierdie land. Ek dink nie jy of jou vrou kan enige van ons wat ontsteld was heeltemal kwalik neem oor ons reaksie. As jy… Lees meer »

Hannes

Dankie Kurt, dis iets wat waarlik na aan my hart lê en ek is baie bly iemand het dit gesê, dit was nodig. Dankie vir die positiewe bydra tot ons land. Ek as mede Suid-Afrikaner is trots op ons land. Dankie.

Andreas Meyer

“Hy gaan voort: “Vir iemand om te skryf dat hulle wens my en Dunay se baba word dood gebore, is die laakbaarste ding wat enigiemand kan sê. Ek het kommentaar soos hierdie en ander negatiewe kommentaar verwyder want ek wil nie ander mense daaraan blootstel nie. ” Nee Kurt, die laakbaarste sal wees om so iets somer net te versin, want dis nou kwansuis “verwyder”. En jy het enige kritiek verwyder, want dit het in waarheid ‘n groot meerderheid van jou ondersteuners ontstel. Die meerderheid Afrikaners is moeg vir die ANC-Regime om die minste te se. En nou gaan jy… Lees meer »

David

Die feit van die saak is dat n optrede by iemand se aanstelling wys vir ons dat jy saam stem en gelukkig is oor wat gebeur, ek sal nooit my teenwoordigheid saam met n verkragter en n dief as n eer beskou nie….