Miré Reinstorf het ’n goue medalje gewen. Foto: Twitter.
Suid-Afrika se Mirè Reinstorf het sommer met haar eerste probeerslag in Nairobi die Afrika-paalspringrekord vir o.20-vroue verbeter.
Haar poging van 4,15 m by die o.20-Wêreldkampioenskap in Kenia het nie net die vorige rekord van 4,10 m (wat in 2002 deur Syrine Balti van Tunisië opgestel is) verbeter nie, maar dit was ook goed genoeg om die goue medalje in te oes.
Boonop was dit die opkomende atletiekster se eerste internasionale byeenkoms.
“Ek het aanvanklik glad nie gedink dat ek ’n medalje sou wen nie, maar ek is dankbaar dat dinge op hierdie manier afgeloop het,” het die oudleerder van Hoërskool Outeniqua gesê.
Die 19-jarige atleet het in April ook die Suid-Afrikaanse kampioenskap met haar poging van 4,00 m gewen.
Suid-Afrika het 54 atlete (29 mans en 25 vroue) na die Wêreldkampioenskap gestuur en dit sluit sterre soos Miné de Klerk (gewigstoot) en Lythe Pillay (400 m) in.
Mans: John Adesola, Mondray Barnard, Abednico Choba, Renier de Villiers, Benjamin Richardson, Bradley Olifant, Sinesipho Dambile, Lythe Pillay, Matthys Nortje, Senzo Sokhela, Keanu Domingo, Jason Browers, Andre Erasmus, Christiaan Venter, Brian Raats, Kyle Rademeyer, Nikolai van Huyssteen, Jason Tito, Daiyaan Wyngaardt, DJ Liebenberg, Juan Ooosthuizen, Pieter-Juan Vorstman, Zander van der Merwe en Armant van der Linden.
Vroue: Banele Shabangu, Kayla la Grange, Viwe Jinqi, Precious Molepo, Amy Naude, Prudence Sekgodiso, Aviwe Hoboloshe, Carmie Prinsloo, Danielle Verster, Naledi Makgata, Marione Fourie, Kayla van den Berg, Anje Nel, Jada van Staden, Mirè Reinstorf, Karmen Fouche, Miné de Klerk, Dane Roets, Bodine Degli Umberti, Mickayla van der Westhuizen, Marissa Swanepoel en Janice Nel.
✨ 4.15m ✨
On her first ever international competition, Mirè Reinstorf ???????? set an African U20 record to claim the #WorldAthleticsU20 win in the women's pole vault! pic.twitter.com/yXufeIFGqN
— World Athletics (@WorldAthletics) August 18, 2021
Uitstekend!! Baie geluk!!
Puik. Volgende stap – kry vir jou ‘n beurs in die VSA.
Is die ras en die raskwota ens ens darem reg vir ‘n beloning agterna deur die SA Olimpiese Komitee? Ek vra maar net. In dié anti-wit SA moet wit mense mos maar altyd eers seker maak oor goed wat in ander lande heeltemal normaal is.
Well done
Baie geluk met die prestasie en ook baie geluk aan haar afrigter, JP van As