Die liggaam van ʼn middeljarige man is Saterdag in ʼn rivier in die Glen-omgewing, digby Bloemfontein, gevind.
Kol. Thandi Mbambo, woordvoerder van die polisie, sê hengelaars het die middag by die Reinheim Lodge die liggaam van die man in die water sien dryf.
“Hulle het dadelik die polisie van die liggaam in kennis gestel,” sê Mbambo.
“Duikers het die man, tussen 30 en 40 jaar oud, se oorskot uit die rivier gehaal,”
Die man kon nog nie geïdentifiseer word nie.
Die polisie wag nog op die uitslag van die nadoodse ondersoek.
“Die ondersoek duur voort,” sê Mbambo.