Die ontbinde liggaam van ’n man is oor die naweek op Naval Hill in Bloemfontein gekry.
Die Parkweg-polisie het die hulp van die publiek gevra in hul poging om die oorledene te identifiseer.
Volgens lt.kol. Thabo Covane, polisiewoordvoerder, is die liggaam Saterdag naby Unielaan gevind.
“Die polisie is om 14:20 na die toneel ontbied en met hul aankoms is ’n man se gedeeltelik ontbinde liggaam in digte bosse gevind. Die oorledene was geklee in ’n swart windbreker, swart jeans met ’n swart gordel en ’n paar swart North Star-tekkies.”
’n Geregtelike doodsondersoek is begin.
Enigiemand met inligting word versoek om kapt. Sello Sethuntsha by 079 889 8385 te kontak of Stop Misdaad by 08600 10111.
So hy het nie ‘n hemp aangehad nie. Net ‘n broek baadjie en ‘n belt?
Naby Unielaan op Naval Hill?
Ja ek het ook gewonder.