Lyke gekry van vier wat verdrink

Beamptes van die Limpopo-polisie se soek-en-reddingseenheid. Foto: Verskaf

Beamptes van die Limpopo-polisie se soek-en-reddingseenheid. Foto: Verskaf

Beamptes van die Limpopo-polisie se soek-en-reddingseenheid het oor die naweek die liggame van vier mense uit riviere in die provinsie verwyder, nadat hulle in twee afsonderlike voorvalle verdrink het.

Brig. Motlafela Mojapelo, polisiewoordvoerder, het gesê drie liggame, van ʼn vrou en twee mans, is in ʼn rivier in Levubu uit die water gehaal. “Hulle het Saterdag in ʼn bakkie gery toe die bestuurder beheer verloor en die bakkie in die Lebuvurivier beland het. Al drie insittendes het verdrink. Hul liggame is Sondag gevind en uit die water gehaal,” het Mojapelo gesê.

Mojapelo het gesê die oorsaak van die ongeluk is onbekend en word ondersoek.

Beamptes van die Limpopo-polisie se soek-en-reddingseenheid. Foto: Verskaf

Beamptes van die Limpopo-polisie se soek-en-reddingseenheid. Foto: Verskaf

In Giyani is die liggaam van ʼn jong man gevind, nadat hy Vrydagmiddag tydens ʼn gewapende roof in die Ritavirivier in gedwing is.

Maroela Media het vroeër berig die man, Tebogo Ngonyama (19) en sy vriend, Desmond Fantini (28), was op pad na hul huise in Mapuve buite Giyani toe twee gewapende mans hulle voorgekeer het.

Die verdagtes het die mans van R310 beroof. “Die slagoffers is toe glo na die Ritavirivier geneem en gedwing om in die water te gaan. Die rivier was in vloed. Fantini kon daarin slaag om oor die rivier te swem maar Ngonyama kon nie en het onder die water verdwyn.”

Dieselfde soek-en-reddingspan het Ngonyama se liggaam Sondag opgespoor en uit die water gehaal.

Die polisie het ʼn beroep op die publiek gedoen om versigtig te wees tydens voortdurende reënweer in dele van die provinsie en om riviere slegs by relevante plekke oor te steek as dit veilig is.

limpopo-verdrinkings-2

Die bakkie se wrak. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Wil jy nou meer ·

En weer is liggame gevind en nog steeds is die vrou wat die apies rivier in Capital Park oorgesteek het soek.
Iets ruim nie. Of ek het berig gemis dat sy gevind is.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.