Ma en twee kinders verdwyn spoorloos

Camille Brink (Foto: Verskaf)

Die polisie is op die spoor van ʼn 37-jarige vrou en haar twee dogtertjies wat in Louis Trichardt in Limpopo vermis geraak het. Hulle het na bewering Sondagaand omstreeks 21:30 vermis geraak.

Volgens kol. Moatshe Ngoepe, polisiewoordvoerder in Limpopo, is Camille Brink en haar dogters, Kaylee (9) en Emily (2), die laaste keer gesien toe hulle van die huis na die plaaslike supermark toe gegaan het. Hulle het nooit teruggekeer nie.

Die polisie het probeer om Brink op haar selfoon te kontak, maar hul poging was tevergeefs. “Die selfoon het net aanhou lui. Die selfoon se stempos is nou aangeskakel,” vertel Ngoepe.

Kaylee en Emily (Foto: Verskaf)

Brink het glo in Kaapstad gebly voordat sy in Desember verlede jaar na Louis Trichardt in Limpopo verhuis het.

Enigiemand wat inligting het oor waar dié drie hulle tans bevind, kan lt.kol. Tshililo Mphagi by 082 565 7877 kontak of dit by 0860010111 aanmeld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Koos

Een ding wat my kop plat maak is dat as die polisie op haar spoor is, hoekom het hulle dan leidrade nodig van die publiek af waar sy haarself bevind?

Ouma B

Liewe Heer, ek BID vir hierdie mamma en haar twee dogtertjies se veiligheid, ASB Here, asb! Baie dankie!

Dan

Wat ek nie verstaan altyd nie… SAPD het toegang tot toestelle/ prosedures wat die foon kan ‘trace’, hoekom net skakel en berus by die stemnota? Daar is opsies!!! Hoe langer hulle vermis is, hoe bleker lyk die toekoms..

Judge Dredd

….weet die polisie nie dat jy ‘n selfoon kan opspoor met sy imei nommer?

Ekke

Hoe en waar het die Polisie haar selnommer gekry ???