Ma, seuntjie ongedeerd ná Ford Kuga aan die brand slaan

Ford Kuga Foto: IPSS

ʼn Ma en haar driejarige seuntjie het Saterdag ongedeerd weggestap nadat hul motor, ʼn Ford Kuga, aan die brand geslaan het.

Die voorval het op die N2 in ʼn suidelike rigting net voor die Tongati-tolplaza plaasgevind.

Paul Herbst, paramedikus van IPSS Medical Rescue, het aan Maroela Media bevestig die vrou en haar seuntjie het in die motor gery toe sy gesien het die enjin begin rook. “Toe sy by die tolhek aankom, het die noodligte aangekom. Die motor het ‘n paar meter voor die tolhek aan die brand geslaan,” het hy gesê.

Die ma kon betyds haar seuntjie uit die motor red.

Die vrou was op pad na Durban.

Maroela Media het vroeër berig Ford het in Februarie vanjaar in ʼn mediaverklaring erken dat hy gefaal het om duidelik met die publiek te kommunikeer oor die probleme wat lei tot enjinbrande in die Ford Kuga 1.6-liter EcoBoost-sportnutsvoertuie en het om verskoning hiervoor gevra.

Ford het 4 556 Kugas, wat tussen Desember 2012 en Februarie 2014 gebou is, op 16 Januarie herroep nadat talle van die voertuie se enjins vlam gevat het.

Meer as 45 van die motors in Suid-Afrika het al aan die brand geslaan.

Lees alle vorige berigte oor die Ford Kuga op Maroela Media

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
fransie

Nou het sy dan nie haar motor ingevat om hersien te word nie?

Tyd Geword

Dit het tyd geword dat Ford se fabriek en al sy motors geskrot word sulke dinge is geheel onaanvaarbaar

Vrae te vra?

1. Is die Kuga ‘n 1.6 Ecoboost in die groep van 4556?
2. Indien 1. ja is, is die Kuga deur die herstelproses?

William

Ek stem saam met die vrae Hierbo!. Ek is n’ FORD man deur en deur van die ou 390 Y block V8 , 351C , 3L Essex tot die moderne enjins. Die KUGA met 2.5 Volvo Enjin (wat ek besit) was n’ goeie platform met baie krag, en gee nie probleme nie. Voor dit het hulle die ESCAPE in VSA bemark met die 1.6 Ecoboost. Daar het hulle BAIE brande gehad met die einste model. Daarna in hulle wysheid , skrap hulle die 2.5 Wenresep Kuga, vir die enkele platform 1.6 Ecoboost, en hulle weet mos al klaar daar is… Lees meer »

Michael

Ford moet nou tot verantwoording geroep word en al die kuga 1.6 en 2.5 vervang met veilige voertuie