Man brand erg toe motor vlamvat

brand vuur vlam

Argieffoto (Foto: Alexas_Fotos, Pixabay)

ʼn Man het Saterdag in die vroeë oggendure ernstige brandwonde opgedoen nadat hy glo in ʼn brandende motor vasgekeer is.

Werner Vermaak, woordvoerder van ER24, het gesê paramedici is omstreeks 03:00 na ʼn huis in Glenwood, Pietermaritzburg, ontbied. Die 25-jarige man was in ʼn kritieke toestand in een van die slaapkamers met ernstige brandwonde aan sy bolyf en gesig.

“ʼn Brandende voertuig was buite en die man se familielede het probeer om die vlamme te blus. Dit is onduidelik hoe die voertuig aan die brand geslaan het en hoe die man se familie hom uit die motor gekry het,” het Vermaak gesê.

Die man is na die Edendale-hospitaal gehaas vir behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae