(Argieffoto: Anja van der Merwe)
’n Noord-Kaapse man is tot 20 jaar direkte tronkstraf gevonnis vir die moord op die ma van sy twee jong kinders. Danelle van der Linde was swanger met haar derde kind toe sy in Mei vanjaar met ’n skerp voorwerp doodgesteek is.
Haar kêrel, Aldean Wilkinson, is nou vyf maande later in die hooggeregshof in Kimberley vir haar moord gevonnis nadat hy ’n pleitooreenkoms met die staat aangegaan het.
Mojalefa Senokoatsane, woordvoerder van die Nasionale Vervolgingsgesag in die Noord-Kaap, sê Van der Linde se liggaam is op 15 Mei in haar huis gevind nadat die polisie na dié huis ontbied is.
Wilkinson is die dag daarna in hegtenis geneem nadat hy homself aan die polisie oorgegee het.
Wilkinson is kort daarna borgtog geweier omdat hy moontlik met ooggetuies kon inmeng aangesien sommige van die staatsgetuies aan hom bekend was. Hy het later skuldig gepleit op aanklagte van moord.
Die waarnemende regter het tydens die vonnisoplegging daarop gewys dat Wilkinson ’n verantwoordelikheid teenoor die ma van sy kinders gehad het om haar te beskerm en dat sy vermoor is in ’n plek waar sy veronderstel was om veilig te voel.
Skurk!
Dis 2 moorde. Wat het by gekry vir die baba se lewe wat hy geneem het
Hoe kan jy die ma van jou kinders so koelbloedig vermoor terwyl sy swanger was met hulle derde baba
Al hoe meer moorde uit die Noord-Kaap deesdae. Is die gangsters en drugs nou daar ook?
Hy moet ook maar tot so wrede einde kom
Net 20 jaar vir 2 lewens?
Gemors!