Man hang dogters, homself

Foto ter illustrasie. (Foto: pixabay)

ʼn Man het sy twee dogters en homself ná ʼn beweerde woordewisseling met sy vervreemde vrou opgehang.

Kol. Moatshe Ngoepe, polisiewoordvoerder in Limpopo, het gesê die voorval het Saterdagaand buite Polokwane gebeur.

Die man (38) en sy vrou het glo verlede jaar al in ʼn stryery betrokke geraak en is uitmekaar. Die vrou en haar kinders het daarna by haar ouers naby Giyani gaan woon.

“Die kinders is Saterdag na hulle pa in Mankweng om vir die skoolvakansie by hom te gaan kuier. Met hulle aankoms daar het die man glo sy vrou gebel en hulle het ʼn telefoniese woordewisseling gehad.

“Die man het ná die foonoproep die kinders in hulle eie kamers opgehang voordat hy uit die huis gevlug het. Die polisie is ontbied en ná ʼn soektog is hy gevind waar hy homself in ʼn ander huis in die omgewing gehang het,” het Ngoepe gesê.

Die twee dogtertjies was onderskeidelik agt en vyf jaar oud.

Genl.maj. Jan Scheepers, waarnemende polisiehoof in die provinsie, het die voorvalle van voortslepende wrede geweld teen kinders in die provinsie ten sterkste veroordeel.

Scheepers het ʼn beroep op mense gedoen om hulp te soek wanneer hulle probleme ondervind, eerder as om hulle tot moord, veral op onskuldige kinders, te wend.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Cherokee

Jan Scheepers, asseblief, noem boosheid by die woord.

Christa

Hoekom vat mense jul Kinders se lewe as hulle nie self nie Wil lewe nie. Dis selfsuftig.dis eerder om die ander party te straf. My gebede Gaan uit na die mamma

Verwonderd

Ek staan verwonderd oor daar gedink word daar is plekke om hulp te kry tydens krisis situasies

Driekie

Gen Maj Scheepers …se my asb by wie kan ek vir hulp aanklop want ek ondervind ook ernstige probleme…..geen instansie…of persoon…of selfs familie kan help….en beslis ook nie sielkundiges nie.

Naomi Berger

Ag hoe verskriklik hartseer.
Dis wat gebeur as mense mekaar wil vermaak met hulle kinders.
Mag die familie rus vind na hierdie geweldige harseer aksie.