Man steek glo pa dood

Argieffoto: Miguel Roberts/The Brownsville Herald via AP

ʼn Oos-Kaapse man (37) het glo sy 67-jarige pa met ’n mes doodgesteek.

Kapt. Jackson Manatha, Oos-Kaapse polisiewoordvoerder, sê die twee het glo Vrydagaand sit en gesels by hul voorvaderlike huis in die nedersetting Xonyeni by Willowvale, sowat 80 km suidwes van Mthatha in die voormalige Transkei.

Omstreeks 23:30 het hulle blykbaar stry gekry, maar die polisie kon nog nie vasstel waaroor nie. “Albei het ʼn mes te voorskyn gebring en mekaar begin steek,” het Manatha Saterdagmiddag gesê.

Die pa is dodelik gewond en het op die toneel gesterf. Die polisie van Willowvale is ontbied en het die verdagte kort daarna in hegtenis geneem.

Manatha sê die oorledene se identiteit kan eers bekendgemaak word nadat sy kinders wat in ander provinsies as die Oos-Kaap woon van sy dood in kennis gestel is. Die verdagte sal na verwagting Maandag in die plaaslike landdroskantoor op ʼn aanklag van moord verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Karolis

Bou nou ‘n nasie met sulke bakstene.
Jy word geleer: eer jou vader en jou moeder.
Wie leer jou om jou pa te dood?

Loon

Voorvaderlike huis?
Dis waar die probleem begin het……
Wie bou iets op voorvaders?

Nuuswaardig hoekom?

In nedersettings is daar elke and dronk styery en baklyery tussen familie en bure…
Hoekom is hierdie nou nuuswaardig?

willem Botha

Die media moet die feite deurgee soos dit is dan kan die werklike probleme geïdentifiseer word ,wit mense moor nie plaas eienaars en steek hulle eie ouers met messe nie.

piper

brandewyn het nie brieke nie