SANParke het Saterdag bevestig een van sy senior bestuurders in die omgewingsmisdaadeenheid, gebaseer by Groenkloof in Pretoria, is tydens ʼn seekoei-aanval in die Krugerwildtuin oorlede.
Isaac Phaahla, woordvoerder van SANParke, sê Kobus de Wet het in die Krugerwildtuin gekamp toe die seekoei hom bestorm het.
“Daar is nog nie baie inligting beskikbaar nie. Die omstandighede rondom die voorval word ondersoek.”
SANParke het sy innige meegevoel met De Wet se familie, vriende en die SANParke-familie betuig.