Man sterf toe trok van wal afry, uitbrand

‘n Foto van die toneel p die R71 in die Magoebaskloofpas (Foto: Verskaf)

ʼn Man van Tzaneen in Limpopo is dood toe die vragmotor wat hy bestuur het van ʼn wal op die R71 in die Magoebaskloofpas afgery het.

Russel Meiring, ER24-woordvoerder, sê die vragmotor het halfpad oor die wal teen ʼn boom tot stilstand gekom.

Volgens Meiring het die vragmotor weens die impak van die botsing in vlamme uitgebars.

“Brandweerdienste het ná ʼn geruime tyd daarin geslaag om die vlamme te blus, maar die man is dood in die brand,” sê hy.

Meiring sê die presiese oorsaak van die man se dood sal deur ʼn nadoodse ondersoek bepaal word. Plaaslike owerhede het ʼn ondersoek na die voorval van stapel gestuur.

‘n Foto van die toneel p die R71 in die Magoebaskloofpas (Foto: Verskaf)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Waarneming

My waarneming op die een foto is dat daar nog ander bome is wat die bas aan die stamme af is. Hierdie is dus ‘n uiters gevaarlike draai. Ek ken nie die pad maar wonder hoeveel waarskuwingstekens is aangebring?
Sterkte aan die familie wat ‘n broodwinner verloor het.

Kobus

Ek ken daardie pad. Spoed en nogmaals spoed,motoriste steur hulle nie aan spoedbeperkings of sperstrepe nie. Vragmotors is onpadwaardig en steur hulle ook nie aan enige beperkings nie

Muffin

Ek het ook vragmotors en moet se om die remstelsels gereeld te diens is baie duur maar is van kardinale belang. Dit kan dalk die probleem wees as dit nie spoed was nie.

A Mac

Vragmotorbestuurders word alreeds by Haenertsburg met groot padborde ingelig om eerder die Georges Valley pad te gebruik. Sou graag die rede wou weet hoekom die vragmotorbetuurder nie eerder van die Georges Valley pad gebruik gemaak het nie. Magoebaskloofpad is klaar ‘n gevaarlike pad vir gewone padgebruikers, veral as dit reen of mistig is.

Muffin

Hi A Mac. Sien wat jy se. Ek ken nie die omgewing nie maar wil dit voorkom die bestuurder kan nie lees nie of is die roete wat hy gery het seker korter en was haastig.