Manuel se uitsprake oor regering ongegrond – ANC

Trevor Manuel. Foto: Karen Sandison/ANA

Die ANC het sy misnoeë uitgespreek oor opmerkings wat Trevor Manuel, die voormalige minister van finansies, Donderdag tydens ʼn webinaarbespreking deur die Katolieke parlementêre skakelkantoor en die Hanns Seidel-stigting oor die party gemaak het. Manuel het tydens die bespreking gesê die afgelope 30 jaar wat die ANC aan bewind is, is drie dekades wat “vermors” is.

Luidens ʼn verklaring wat deur die ANC uitgereik is, impliseer Manuel in sy opmerkings dat Suid-Afrika se uitdagings van armoede, werkloosheid en ongelykheid veral sedert 1994 opgevlam het.

“Terwyl die ANC Manuel se reg op vryheid van spraak respekteer, glo ons dat daar is geen rede hoegenaamd om ʼn verdoemende beeld van die land aan die media en die wêreld daarbuite uit te stuur nie,” sê Pule Mabe, die nasionale woordvoerder van die ANC.

Mabe sê sedert 1994 het die mense van Suid-Afrika die ANC-regering vertrou om die ekonomie te transformeer en ʼn beter lewe vir landsburgers te skep. Hy sê dit was sedertdien die party se doelwit om mense te laat deel in die land se rykdom en om die ekonomiese magsbalans te laat kantel ten gunste van alle Suid-Afrikaners.

“Sedertdien het Suid-Afrikaners se lewensgehalte beduidend verbeter. Ons het byvoorbeeld toegang tot skoon drinkwater, behuising, onderwys, maatskaplike sekerheid en ʼn verbeterde gehalte van gesondheidsorgdienste vir die meeste Suid-Afrikaners bevorder. Ons het ook die geletterdheidsvlakke van Suid-Afrikaners verhoog,” sê Mabe.

Mabe sê die ANC is bewus van die ekonomiese probleme wat wel in die land kop uitsteek, maar die regering het reeds stappe begin doen om hierdie probleme aan te pak.

“Die ANC sal voortgaan om konkrete stappe te doen om in te gryp en die land se ekonomie te versterk, grondhervorming te versnel, ongelykheid te verminder, werkverskaffing te verbeter, vertroue in die bestuur van fiskale hulpbronne te herstel en volksvertroue te bou in ons vermoë om Suid-Afrika se ekonomie te stabiliseer en te transformeer.”

Mabe sê hulle moedig Suid-Afrikaners aan om eerder saam met die regering te werk en oplossings te vind vir die land se ekonomiese probleme.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Adriaan

#VoetsekANC

Fedup

Trevor, i think pule is upset with you. The curcis DO NOT want to hear the truth about their corrupt incompetence and feckless behaviour.
Dumb is not stupid.
Now they won’t be friends with you anymore. Shame.

Renata

Stadig maar seker begin die gepeupel se oë oopgaan om die ANC se werklike kleure raak te sien. Ek sien nêrens vooruitgang vir enige Suid Afrikaner nie, net agteruitgang!

Simon

Sedert Republiek- wording (1960 tot ANC bewind bietjie meer as 30 jaar) tot 1994 is SA opgebou tot ‘n land waarop die meeste westerse lande jaloers was. Die ANC het sedert 1994 tot nou (bietjie minder as 30 jaar) afgebreek en tersefdertyd korrupsie ‘n oop hand gegee. ‘n Land waarop die res van Afrika en die kommunis nou baie trots is. Hiedie land is op die oomblik soos ‘n skip sonder ‘n kaptein en een waarop alle bemanning partytjie hou en nie die gevaar sien aankom nie. Hierdie skip is besig om op die rotse te loop, middel deur te… Lees meer »

Jaco

Dit verbaas my nie dat die ANC hom ignoreer nie. Hy is ‘n ANC-veteraan, so hy is uit alle rade, liggame ens waar hy nog invloed kon hê en verandering kon bring. Tweedens, sy velkleur is “verkeerd”. Not black enough. Daars TALLE sulke gevalle waar kleurlinge werk soek en dan daardie “not black enough” verskoning moet hoor. Tragies, maar nie net wit mense ly onder die rassisme van die ANC nie.