Marli van Breda: ‘Moet nie te veel lees in foto’s nie’

Marli van Breda. Foto: Verskaf

Marli van Breda. Foto: Verskaf

Marli van Breda (16), die meisie wat ʼn bylaanval op haar gesin oorleef het, se regsverteenwoordiger het Maandag gesê mense moet nie te veel probeer lees in haar bedrywighede op sosiale media nie.

“Die foto’s wat geplaas is, is ʼn huldeblyk aan haar oorlede familielede. Die media moet waaksaam wees voor hulle tot gevolgtrekkings of ongegronde bespiegelings kom,” het adv. Louise Buikman in ’n e-pos aan News24 gesê.

Buikman het gereageer op mediaberigte die naweek rakende plasings wat op Marli se Instagram-profiel gemaak is. Marli het foto’s van haar vermoorde ouers, Martin en Teresa, en haar vermoorde broer, Rudi, op haar profiel gelaai. Die drie is in Januarie in hul huis op die De Zalze-gholflandgoed met ʼn byl vermoor. Marli het ʼn baie ernstige kopbesering opgedoen. Haar ander broer, Henri, het glo net geringe beserings opgedoen.

Marli het foto’s geplaas van haar saam met haar ouers en ’n foto van haar pa en Rudi. Sy het onderaan die foto’s geskryf: “Die mense wat ek die meeste liefhet.” Sy het ook ’n foto van haar ma opgelaai.

Buikman het gesê daar is nog geen verandering in Marli se geheueverlies nie. “Dit is onwaarskynlik dat sy die voorval sal onthou. Buikman het wel gesê Marli se toestand “gaan voort om te verbeter en sy is in goeie gesondheid”. “Haar herstel gaan ’n lang tyd vat, maar gegewe die omstandighede is dit niks minder as ’n wonderwerk nie.”

Marli en Henri het mekaar nog nie gesien sedert die aanval nie. Sy is tans in die sorg van familievriende.

The Citizen het vroeër die maand berig dat Henri by ’n familievriend in Welkom woon.

News24

Klik hier vir alle vorige berigte oor die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Peet Schabort

Ek stem saam met adv. Louise dat sy uitgelos word om vrye teuels te gee aan haar gevoelens want dit is deel van die herstelproses.
Ek kan nie help om te sê: Wat ‘n innemende glimlag het die meisiekind en dis nie aangeplak.
Marli, mag jy TEN VOLLE HERSTEL.

Neptunus

Intussen mag en moet die publiek maar bespiegel, want êrens loop iemand rond wat drie (en so byna nog een) mense met ‘n byl doodgekap het. Toemaar, haar Instagram-plasings sal darem nie bewysmateriaal in die hof wees nie. Daarvoor moet sy die getuiebank bestyg.

Wonder of die sekuriteitspersoneel erg kopgekrap het oor hoe ‘n moordenaar ongesiens onder hul neuse verby hulle kon gesluip het en weer uitgeglip het na hy/hulle byna ‘n hele gesin uitgewis het. Na al die konsternasie was daar seker ‘n hele paar rooi gesigte op die rooi tapyt en heelwat vrae.

Therese van Schalkwyk

Ek glo nie die Wes-Kaapse Polisie, of die betrokke regspersone, kan enigiemand kwalik neem wat heeltemal sinies is oor die onbeholpe en totaal onbevoegde hantering van hierdie saak nie. Dit is haas onmoontlik om te glo dat die oplos van ‘n familie-moordsaak, met geen teken van ‘n inbraak, afhang van een persoon se geheue of die verlies daarvan. Die vertraging van arrestasie is onverklaarbaar, want geen melding word gemaak van verdere ondersoeke of verdagtes nie. Al gevolgtrekking wat gemaak kan word, is dat die teenwoordigheid van nog een moorddadige op straat nie veel verskil maak aan die veiligheid van die… Lees meer »

SNEL

Dis goed as Marli aangaan met haar lewe, en om foto’s van haal oorlede ouers en broer te plaas sien ek as dood natuurlik. Aarde, hulle is van haar af weggeruk, daarin kan niemand iets lees nie. Feit bly staan, bespiegel of de nie, maar hier is iets groot fout met die hele insident, hoe kan n moordenaar van drie en poging tot moord op een, nog op vrye voet rondloop. Nêrens lees mens dat hulle leidrade volg en warm op die spoor is of enige so iets nie, so almal vermoed dis die broer, maar hoekom is niemand dan… Lees meer »

Liefdeskind

Hoekom word broer en suster nie verenig nie?????