![](https://maroelamedia.co.za/wp-content/uploads/2018/12/job-shimankana-tabane-hospitaal-rustenburg-noordwes-320x213.jpg?x66032)
Susters by twee van die babas wat op Kersdag in die Job Shimankana Tabane-hospitaal in Rustenburg, Noordwes gebore is. Foto: ANA
Meer as 1 000 babas is op Kersdag in hospitale oor die hele Suid-Afrika gebore.
Popo Maja, woordvoerder van die departement van gesondheid, het gesê Gauteng het die meeste Kersdag-geboortes aangeteken met 301 babas wat gebore is.
By die Chris Hani Baragwanath-hospitaal is 47 babas gebore en by die Rahima Moosa-hospitaal 32 babas, onder wie ʼn tweeling. Daar is 161 dogtertjies in Gauteng gebore en 140 seuntjies.
In die Oos-Kaap is 275 babas gebore – 155 dogtertjies en 113 seuntjies. In Limpopo is 138 dogtertjies en 124 seuntjies gebore en in die Wes-Kaap 83 seuntjies en 55 dogtertjies.
In Mpumalanga is 153 babas gebore – 85 seuntjies en 68 dogtertjies. In KwaZulu-Natal is 63 seuntjies en 43 dogtertjies gebore terwyl Noordwes 70 dogtertjies en 45 seuntjies ryker geword het.
In die Noord-Kaap is 55 babas op Kersdag gebore – 29 seuntjies en 26 dogtertjies. In die Vrystaat is 35 babas op Kersdag gebore.